عمر وزیر د مشال راډیو خبریال دی چې د شمالي وزیرستان، بنو او لکي مروت پر امنیت، اقتصاد، سیاسي او ټولنیزو چارو رپورټونه جوړوي.
د پښتون ژغورنې غورځنګ مشر منظور پښتین د فبرورۍ پر ۲۸مه سره له نورو ملګرو تاجوړۍ ته ورغی او پرلت ته یې وینا وکړه. نوموړي وویل، حکومت دې له نورو سیمو سره په لکي مروت کې هم امنیت ټینګ کړي او د دې سیمې پر وسایلو دې ځايي ولس ته حق ورکړي.
د غورځنګ مشر منظور پښتین، علي وزیر او نورو مخکښو غړو د میرامشا جلسې ته په وینا کې وویل، د شمالي وزیرستان په ګډون په پښتون مېشتو سیمو کې "ناامني نه شي زغملای" او پرضد به یې "سوله ییزې مبارزې" ته دوام ورکوي.
احتجاج کوونکو د فبرورۍ پر ۲۴مه ناوخته مشال راډيو ته وویل د دوی په سیمه کې د ګېسو لویه زېرمه موندل شوې او حکومت یې ورڅخه نورو سیمو ته وړي.
د فبرورۍ ۱۸مې له پېښې سره په شمالي وزیرستان کې سږ کال د هدفي بریدونو شمېر پینځه ته ورسېد. په شمالي وزیرستان کې هدفي بریدونه له یوشمېر کلونو راهیسې روان دي چې پکې ګڼو خلکو ته مرګژوبله اوښتې ده.
د میرلي تاڼې یو پولیس چارواکي او د سیمې اوسیدونکو د فبرورې پر ۱۷مه مشال ریډیو ته د دې وژل شوي ځوان پېژندګلوي د پیر قاسم شاه په نوم کړې.
ځينو مظاهرچيانو مشال راډيو سره په خبرو کې ادعا وکړه چې امنیتي سرتېرو د فبرورۍ پر ۱۵مه اجمان وزیر له جانيخېلو منډۍ څخه نيولی دی. البته مشال راډيو د دې ادعا تصدیق ونکړای شو.
پوليس ادعا کوي چې وژل شوي څلور بريدګر له ناقانونه وسلوالې ډلې تحریک طالبان پاکستان (ټي ټي پي) غړي دي چې په وینا يې هلته په هدفي بریدونو او پر امنیتي ځواکونو په بریدونو کې ککړ ول. خو ټي ټي پي په دې اړه تر دې دمه څه ډول غبرګون نه دی ښوولی.
په بنو کې د "ولسي پاڅون" په نوم د احتجاجي غونډې ګډونوالو پر حکومت غږ وکړ چې د ناامنۍ پر وړاندې دې سم اقدامات وکړي ځکه چې پښتانه نور دا وضعیت نه شي زغملای. د بنو انتظامي او امنیتي چارواکو مشال راډیو ته وویل، امنیت ته ژمن دي او د وسلوالو ضد یې اقداماتو ته دوام ورکړی دی. ویډیويي رپورټ.
د عوامي نېشنل ګوند د خیبر پښتونخوا جنرل سېکرټر سردار حسین بابک غونډې ته په وینا کې وویل چې پښتانه هغه وخت د اوسني حالت په اړه یوه تګلاره جوړولای شي چې "خپلمینځي اختلافات ختم" کړي.
انتظامي چارواکو مشال راډیو ته ویلي چې برید د فبرورۍ پر ۱۱مه په کجورۍ امنیتي پوستې باندې د ماړي پیټرولیم کمپنۍ پر کاروان وشو چې د امنیتي ځواکونو په بدرګه روان وو.
احسان داوړ د فبرورۍ پر اتمه مشال رېډیو ته وویل، هغو کډوالو ته یې د بکاخېلو له کیمپه په شمالي وزیرستان کې خپلو کورونو ته د ستنولو لپاره د فبرورۍ له څلورمې تر ۱۰مې پورې وخت ورکړی وو، خو له ۳،۱۰۰ رجسټرډ کورنیو څخه تر اوسه پورې یوازې ۵۳ هغه ستنې شوې دي.
د نوموړي سکول او هاسټل مسوول انجینیر زاهد ممتاز د فبرورۍ په څلورمه نېټه مشال راډیو ته وویل، دم ګړۍ ته د پاکستان د پوځ په مرسته ۱۲۰ نادارو یا یتیمو ماشومانو لپاره دا سهولت برابر شوی دی
په همدې حال کې په شمالي وزيرستان کې يو امنيتي چارواکي چې له رسنیو سره یې د خبرو اجازه نه لرله، د نوم نه ښوولو په شرط مشال راډیو ته وویل چې تازه یې په سیمه کې د وسلوالو پر ضد کاروايي کړې ده.
پي ډي اېم اې وايي، اوس مهال د شمالي وزیرستان ۱۸ زره کورنۍ داسې دي چې لا هم خپلو سیمو ته ستنې شوې نه دي.
د جنورۍ پر ۲۶مه دواړو قبیلو په جرګه او لاریون کې له حکومته غوښتنه وکړه چې هلته دې تېریدونکی ګېس اول ځايي خلکو ته ورکړي، وروسته دې يې پنجاب او نورو سیمو ته ولېږدوي.
په میرامشاه کې یو پوځي چارواکي د نوم پټ ساتلو په شرط مشال راډیو ته وویل چې د یادې کمپنۍ څلورو کارکوونکیو د میرامشاه تحصیل انغرکلي سره نږدې د تیلو او ګیس سروې کوله، چې د راستنیدو په وخت وسله والو تښتولي ول خو امنیتي ځواکونو تیره شپه (د جنورۍ پر ۲۰مه) په عملیاتو کې څلور واړه بازیاب کړي
ځايي خلک وايي په دې تېرو څو ورځو کې پر سړکونو داسې حالت جوړ شوی دی لکه په شمالي وزیرستان کې چې کله د ضرب عضب په نامه پوځي عملیات کېده.
سدوزي وویل چې وزیر د جنورۍ پر ۱۹مه د ضمانت لپاره عدالت ته وړاندې شو خو عدالت یې غوښتنلیک رد کړ او په څلورواړه مقدمو کې یې د پلټنو لپاره پولیسو ته وسپاره.
په شمالي وزیرستان کې له تېرو شاوخوا څلورو کلونو راهیسې امنیتي وضعیت خراب دی او پکې هر کال لسګونه هدفي حملې کېږي. په همدې حال کې د امنیتي ځواکونو عملیات هم روان دي.
نور وښیئ
