نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
خاني لاړه او د پېزوان په ژبه هغه دوه هنري فلمونه دي، چې په خوست کې د غرغښت په نوم د یو خصوصي ټلویزیون له خوا جوړ او نن دوشنبه يې د خوست د ګڼو فرهنګیانو، تیاتر او سینمايي لوبغاړو، د موسیقۍ د هنرمندانو او د هنر او ادب د مینه والو په یوه محفل کې نندارې ته وړاندې شول.
د کندهار د پنجوايي ولسوالۍ په مربوطاتو کې د پوهنې رياست د چارواکیو د هلو ځلو په پایله کې دوه بابه تړل شوي ښوونځي، چې د اتو کالونو راهیسې د زده کوونکیو پرمخ تړل شوي وو، بېرته پرانیستل شول.
تېره شپه ناوخته د خوست ولایت د باک ولسوالۍ په مربوطاتو کې د افغان ځواکونو په عملیاتو کې د یوې کورنۍ یو تن وژل شوی او درې نور ټپیان شوي دي.
که په یوه ټولنه کې یو تن نارینه زده کړې حاصلوي، مانا دا چې یوازې د ټولنې یو کس باسواده ګرځي، خو که یوه ښځه علم ترلاسه کوي، نو هغې سره پوره کورنۍ او ټولنه باسواده ګرځي.
یو شمېر هغه سپکې او درنې وسلې چې په خوست کې د ملي امنیت د سرتیرو له خوا د پوځي عملیاتو او تلاشیو پر مهال یا د غیر مسوولو اشخاصو څخه نیول شوې وې، په یاد ولایت کې د بې وسلې کولو پروګرام (ډایاګ) چارواکو ته وسپارل شوې.
د شنبې په ورځ په خوست کې د امنیه قوماندانۍ د پولیسو له خوا نیول شوي په لسګونو کیلوګرامه نشه يي توکي د رسنیو د خبریالانو او استازیو پر وړاندې وسوځول شول.
خوست په دې وروستیو ورځو کې د راتلونکیو ټولټاکنو په مناسبت د ګڼو راټولیدنو، غونډو، کنفرانسونو، سپورتي لوبو، مشاعرو او نورو په زړه پورې تفریحي او هنري پروګرامونو شاهد دی.
د خوست ولایت چارواکي وايي، چې د نوموړي ولایت ملکي او پوځي مسوولین همدارنګه د دولس ګونو ولسوالیو ولسوالان به د ټولټاکنو په بهیر کې خپله بې طرفي وساتي او که چیرې څوک د بې پري توبه د اصله سرغړونه وکړي نو په اړه به يې لاس په لاس اقدام کیږي.
د پکتیکا امنیتي چارواکي وايي، چې په نوموړي ولایت کې ۲۶۶ د رایې اچونې مرکزونو د امنیت د خوندیتوب له پاره يې د افغان امنیتي ځواکونو څخه ۴۲۳۰ تنه سرتیري توظیف کړي دي.
په خوست کې هم د جمهوري ریاست د ټولټاکنو د انتخاباتي مبارزو د پیلیدو په درشل کې یو شمېر قومي مشران، روڼ اندي او خلک په دې هیله دي، چې د نوي منتخب حکومت په راتلو سره په دې هیواد کې سوله ټینګه او پر حکومت به د خلکو باور ډېر شي.
مسلکي او په پوځي زده کړو او تکتیکونو سمبال پولیس کولای شي، چې په ټولنه کې قانون پلی او عامه نظم تامین کړي او بالاخره د خلکو پوره ملاتړ او مرسته لاسته راوړي.
د پکتیکا د پوهنې ریاست چارواکي وايي چې په راتلونکې تعلیمي کال کې به د نوموړي ولایت د ټولو زده کوونکيو د کتابونو د کمښت ستونزه هواره شي.
د خوست د ولایت مقام مطبوعاتي دفتر وايي، چې د یاد ولایت د ملي امنيت ادارې د وسلوالو سره د اړیکو په تور څلور مشکوک کسان نیولي دي.
په خوست کې پولیسو د سمیع الله په نوم دیارلس کلن ماشوم، چې یوه میاشت مخکې د نادرشاه کوټ ولسوالۍ له مربوطاتو څخه اختطاف شوی وو، د سړي تښتونکیو له منګولو ازاد کړ، پولیسو د یادې قضیې په تور دوه کسان هم نیولي دي.
د خوست د مدني ټولنو، ولایتي شورا او ټولنیزو سازمانونو غړي او قومي مشران د نوي کال له پاره خوست ته ځانګړې شوي لس میلیونه ډالره اختیاري بودجه لږه بولي.
په خوست کې د کریکټ لوبې له پاره د یو ستر لوبغالي د جوړیدو کار پیل شو، نوموړی لوبغالی، چې د المان هېواد په مالي مرسته د څه د پاسه اته لکه یورو په لګښت د دوه کالونو په موده کې جوړیږي، د د کریکټ په برخه کې به د ملي او نړیوالو لوبو جوګه وي او په یو ځل به تر شلو زرو د ډېرو کسانو د ځایدو ظرفیت ولري.
افق شرق ملکي الوتکې چې په لومړني بهیر کې به مرکز ښرنې ته الوتنې ولري، په یو ځل د پنځوس سپرلیو د پورته کولو توان لري
که څه هم افغان امنیتي ځواکونو په دې وروستیو کې د امنیت د خوندیتوب په اړه په مکرره توګه ډاډ ورکړی او ویلي يې دي، چې د امنیت د ټینګیدو له پاره به له خپلو ټولو امکاناتو کار اخلي،
په خوست کې پولیسو د جمعې په ورځ د اسماعیل خېلو او مندوزیو ولسوالۍ په مربوطاتو کې د ځانمرګي بریدونو د واسکټونو په ګډون یو شمېر مهمات، د وسلوالو له خوا لیکل شوې شپې پاڼې او چاودیدونکي توکي نیولي دي.
نن خوست ته د افغانستان د کریکټ د ملي لوبډلې لوبغاړي د یاد ولایت د خلکو، ځايي ادارې او ځوانانو په بلنه ورغلي دي، د دوی د هرکلي له پاره د خوست په ملي لوبغالي کې تر شلو زرو زیات کسان راغونډ شوي ول.
نور وښیئ
