نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
په لویه پکتیا او خوست کې له پیړیو راهیسې ډیری دعوې، لانجۍ، دښمنۍ او نورې لويې او وړې ستونزې په قومي نرخ او رواج همدارنګه د جرګې او سولې له لارې حلیږي.
د خوست ځوانان او اوسیدونکي وايي، چې په یاد ولایت کې ډاډمن امنیت او د ښار په بیلابیلو سیمو کې د تفریح ځایونو او پارکونو جوړیدل د دې لامل شوي، چې د نورو کلونو په پرتله دا اختر ډېر په خوند او خوشالۍ سره ولمانځي.
د سې شنبې په ورځ د خوست چارواکو د یاد ولایت د مرکز اړوند د متون قوم په عیدګاه کې د لوی اختر د لمونځ د اداء کولو مخکې په خپلو ویناوو کې وویل، چې د افغان ولسمشر غني لخوا طالبانو سره په مشروط ډول د اوربند اعلان وښوده چې افغان حکومت په رښتیني توګه د جګړې د ختمولو او سولې د ټینګولو لپاره هڅې کوي.
د یکشنبې په ورځ په خوست کې، د افغانستان د خپلواکۍ د جشن یو شمېر ګډونوالو، مشال راډیو سره په خبرو کې پدې خواشیني څرګنده کړه، چې د هېواد له بشپړې خپلواکۍ ۹۹ کاله وروسته هم، دا هېواد په جګړو او ناخوالو کې ایسار دی او اوسیدونکي يې غریب او نورو ته محتاجه دي.
د افغانستان د امید سبا د ولسواک او ملي ګوند مشران وايي، کچیرې په ټاکنو کې اصلاح او سمون رانشي، نو په هېواد کې به شته بحران او کړکیچ نور هم ډېر شي.
د اګست پر ۱۶مه په ورځ د خوست د عامې روغتیا ریاست لخوا څلور ټنه تاریخ تیر درمل او خوراکي توکي چې د دوه میاشتو په موده کې په مرکز او ولسوالیو کې نیول شوي وو، د مسوولینو او رسنیو په شتون کې وسوځول شول.
د خوست معلولین وايي، چې پدې هېواد کې هغه مهال سوله او امن ټېنګیدلی شي، چې ټول افغانان په یو لاس د جګړې پر ضد غږ اوچت کړي.
د خوست د پوهنې ریاست چارواکي له قومي مشرانو، دیني عالمانو، مدني فعالانو او روڼ اندو غواړي چې د ښوونځیو د نظم په ښه کولو، د لوستونو د کیفیت په لوړولو او د نجونو تعلیم ته د کورنیو په هڅولو کې خپله ونډه ډېره کړي.
د خوست ډاکټران او روغتیايي کارکوونکي له میندو غوښتنه کوي، چې ماشومانو ته تر دوه کلنۍ پورې خپلې شیدې ورکړي.
د اګست پر پنځمه، د خوست قومي مخورو، دیني عالمانو، مدني فعالانو او ځوانانو د یوې غونډې په ترڅ کې له افغان دولت او وسلوالو طالبانو وغوښتل، چې په لوی اختر کې دې دایمي اوربند وکړي او ستونزو ته دې د مخامخ خبرو اترو له لارې حل لارې پیدا کړي.
د خوست یو شمېر استادان، ځوانان، محصلان او زده کوونکي وايي، په اوسني وخت کې خپلو هدفونو ته د رسیدو په خاطر د انګلیسي ژبې زده کړه مهمه ده.
د افغانستان د کورنیو چارو وزارت وايي د پکتیا په مرکز ګردېز کې په یوه امام باړه کې په ځانمرګي برید کې لږ تر لږه ۳۰ کسان وژل شوي دي او شاوخوا ۸۰ زخمیان دي.
د خوست چارواکي وايي، ځايي اداره پدې هڅه کې ده چې د اداري کمپلیکس چاپیریال چې اوسمهال تر ډېره شاړ او تش ډاګ دی، په چمنونو او زینتي ونو سمسور کړي او تفریحي پارکونه په کې ورغوي.
د افغانستان د خوست ولایت د سرحدي ولسوالۍ سپیرې ۹ کلیو ته د څښاک اوبو د رسولو د شبکو پر جوړولو د اګست پر لومړۍ نېټه کار پیل شو.
د چارشنبې په ورځ له غرمې وروسته د خوست د سپیرې د سرحدي ولسوالۍ ۹ کلیو ته د څښاک اوبو د رسولو د شبکو پر جوړولو کار پیل شو.
د سې شنبې په ورځ د خوست د عامه کتابتون نوې وداني له جوړولو وروسته ګتې اخیستنې ته وسپارل شوه.
د افغانستان د خوست ولایت هندوان له افغان حکومته غوښتنه کوي چې د دوي د کلي، ښوونځي، کلینیک او عبادتځي په رغولو کې دې ورسره مرسته وکړي.
په خوست کې د کرنې وزارت په چوکاټ کې د کرنې د ودې او د کلیو د پراختیا پروګرام «کارډ-اف» له خوا د نسلي د چرګانو د پاللو لس زریز فارم له جوړېدو وروسته خپل فعالیت پیل کړ.
د سې شنبې په ورځ په خوست کې یو شمېر بې وزلو او کونډو ښځو لپاره چې د کورنیو د نفقې مسوولیتونه پر غاړه لري، د پردې جوړولو، ګلدوزی او خیاطۍ د زده کړو ۶ میاشتنۍ پروګرام پیل شو.
د لوګر تعلیم لرونکي ځوانان او د پوهنتونونو فارغان وايي، چې دوی ته په حکومتي ادارو کې د کار کولو زمینې نه برابریږي.
نور وښیئ
