ورلډ ایکنامک فورم وایي په نړۍ کې پاکستان د جنسي مساواتو په لیسټ کې په ۱۴۱ نمبر دی. د اقتصاد نړیوال فورم یا ورلډ ایکانامک فورم د کال ۲۰۱۴م د جنسي مساوات د رپوټ تر مخه پاکستان په ۱۴۱ نمبر دی. دغه سروی په ۱۴۲ و هیوادونو کې تر سره شوې ده، او پاکستان یوازې د یمن نه مخکې دی.
د پاکستان تحريک انصاف د قامي اسمبلۍ غړي د خپلو استعفاګانو د تصديق لپاره د چارشنبې په ورځ د قامي اسمبلۍ د سپيکر دفتر ته ورغلل خو البته له هغه سره يې له يو په يو ليدلو انکار وکړ. تحريک انصاف پر واکمن ګوند مسلم ليګ (ن) تور لګوي چې د تير کال په پارليماني ټاکنو کې يې درغلي کړي وه خو دغه ګوند دا تورونه ردوي. پر حکومت د استعفا لپاره فشار اچولو په خاطر تحريک انصاف ګوند خوا او شا دوو مياشتو راهيسې لاريونونه پيل کړي چې تر اوسه جاري دي. دغه ګوند له قامي اسمبلی څخه د مستعفي کيدو اعلان کړی وو اوغړو يې خپلي استعفاګاني د قامي اسمبلۍ له سپيکر سره جمع کړې وي خو د سپيکرآياز صادق دا دريځ دی چې د قانون له مخې بايد د اسمبلۍ هر غړی جلا جلا له ده سره وويني چي دارنګه مالومه شي چې دغه غړی د کوم فشار لاندې او که په خپله خوښه استعفا ورکوي. خو تحريک انصاف ګوند بيا دا دريځ وو چې ټول غړي به يې په يو ځای له سپيکر سره ويني او د خپلو استعفاګانو تصديق به کوي. کله چي د تحريک انصاف غړي پرون واپس شول نو د قامي اسمبلۍ سپيکر آياز صادق له رسنيو سره خبري وکړي او وي ويل چې تحريک انصاف د قامي اسمبلۍ په څلور ديرش غړو کې پنځه ويشت دفتر ته ورغلي وو. د تحريک انصاف له خيبر پښتونخوا د قامي اسمبلی ټاکل شوي زياتره غړي له استعفاګانو ورکولو انکار کوي. په دوی کې د سوات مسرت احمد زيب هم ده چې د مشال ريډيو همکار، عبدالحی کاکړ ورسره مرکه کړي او په سر کې يې ترې د استعفا نه ورکولو وجه پوښتلې ده؟ مرکه دلته اوريدلی شئ.
نن د خيبر پښتونخوا په حيات اباد کې عوامي نيشنل ګوند د شمالي وزيرستان او جنوبي وزيرستان د حالاتو په اړه د دغه ځای د قومي مشرانو سره يوه جرګه وکړه. د دي ګوند مشر، اسفنديار ولي خان نن مشال ريډيو ته وويل چې دي جرګه کې فیصله وشوه چې سياستوالو محمود خان اچکزي، افتاب احمد خان شيرپاو، مولانا فضل الرحمان او سراج الحق سره به کښيني او د بې کوره شوو خلکو د واپس تللو، قبايلي سيمو کې د امن، اصلاحاتو او پرمختيايي کارونو لپاره شريک کار کوي. د اسفنديار ولي خان سره زموږ د همکار، شبيرجان لنډه مرکه:
د پنجشنبې په ورځ په کوټه کې د جمیعت علمای اسلام (ف ډلې) پر مشر مولانا فضل الرحمان ځانمرګی بريد وشو چې نوموړی روغ رمټ ترې ووت خو د ځانمرګي په ګډون دوه کسان ووژل شول او تر ۲۰ زيات ژوبل شول.
د پنجشنبې په ورځ په کوټه کې د جمیعت علمای اسلام (ف ډلې) پر مشر مولانا فضل الرحمان ځانمرګی بريد وشو چې نوموړی روغ رمټ ترې ووت خو د ځانمرګي په ګډون دوه کسان ووژل شول او تر ۲۰ زيات ژوبل شول. پر مولانا فضل الرحمان تر دې وړاندې هم دوه ځله ځانمرګې بريدونه شوي دي. په همدې اړه احمد شاه اعظمي د ياد ګوند له وياند جان محمد اڅګزي سره خبرې کړي او په لومړي سر کې ورڅخه پوښتلي چې پر مولانا فضل الرحمان باندې د دا ډول بريدونو لامل څه دی؟ نوموړی په ځواب کې وايي.....
د خیبر ایجنسې په تیرا او باړه کې د اکتوبر له شپاړلسمې نیټې د وسلوالو پرضد د((خېبر یو)) په نامه تازه پوځي عملیات دوام لري. او د چارواکو په خبره تر اوسه درې زره کورنۍ له سیمې پېښور نورو خوندي علاقو ته کډه شوې دي. د تېرا یو سپنږی وايي، نور کابل ته کډه کېږي دلته ډېر بې عزته شولو
د خیبر ایجنسې په تیرا او باړه کې د اکتوبر له شپاړلسمې نېټې د وسلوالو پرضد د((خېبر یو)) په نامه تازه پوځي عملیات دوام لري. پولیټیکل چارواکي وایي چې له تیرا او باړې د پوځي عملیاتو او ناامنیو له کبله تر اوسه د اورکزو او خېبر ایجنسۍ پر بیلا بیلو لارو خواوشا درې زره کورنۍ پېښور ته رسېدلې دي. دا چې دغه کډوال له څومره ستونزو سره مخامخ دي؟ او دوی ته څه ډول اسانتیاوې ورکول شوې؟ په اړه یې له سیمې د مشال راډیو خبریال فرهاد شینواری راپور اورو.
بېګا په متحده عرب اماراتو کې د سولې نوبېل انعام ګټونکې ملالې یوسفزۍ په ویاړ غونډه او جشن وشو.
جشن ته په استولي غږیز پیغام کې ملالې یوسفزۍ پر بهر مېشتو افغانانو او پښتنو غږ وکړ چې د خپلو بچیو تعلیم ته لومړیتوب ورکړي.
بېګا په متحده عرب اماراتو کې د سولې نوبېل انعام ګټونکې ملالې یوسفزۍ په ویاړ غونډه او جشن وشو. د غونډې او جشن منتظم نظار یوسفزي نن(جمعه) مشال راډيو ته وویل، په غونډه کې په اماراتو کې د ټولو ادبي او ولسي ټولنو غړو او هلته مېشتو ګڼو پښتنو برخه واخیسته.
د پاکستان حکومت چې کله هم په قبايلي سيمو او د خيبر پښتونخوا په بيلا بيلو سيمو کي پوځي عمليات پيل کړي نو وروسته بيا د بې کوره کړل شوو کسانو لپاره تفريحي پروګرامونه جوړوي. حکومت د دې ډول پروګرامونو هدف د بې کوره کړل شوو خلکو نفسياتي کيفيت ښه کول يادوي. د چارشنبې په ورځ هم د پاکستان د کریکټ وتلی لوبغاړی شاهد اپرېدی د خيبر پښتونخوا بنو ښار ته ولاړ او هلته يې د بې کوره کړل شوو کسانو لپاره يوه لوبه وکړه. خو پوښتنه دا ده چې حکومت ته د بې کوره کړل شوو خلکو ستونزو ته زياته پاملرنه اړول وي او که د هغوی لپاره تفريحي پروګرامونو جوړول ته؟ په دې اړه عبدالحي کاکړ رپورټ جوړ کړی دی.
نور وښیئ
هېڅ میډیايي سرچینه اوس نشته