اېشیا فاونډېشن په خپل تازه رپورټ کې وايي، دوی د افغانستان په ټولو ولایتونو کې د روان کال (۲۰۱۴) په جون او جولای کې یوه نظر پوښتنه وکړه چې پکې ۹۲۷۱ کسانو برخه واخیسته.
له خېبر ايجنسۍ نه ګڼ شمير کورنۍ د پوځي عملیاتو له امله د ننګرهار نازیان او دوربابا ولسواليو ته راغلي چې له ګڼو ستونزو سره مخامخ دي، دوی له افغان دولته غواړي چې مرستې ورسره وکړي.
د کابل امنیه قومندانۍ چارواکي وايي،نن د سېشنبې پر سهار په پلازمینه کابل کې د تره خېلو تنګي په سیمه کې پر يوې بهرنۍ امنيتي کمپنۍ ځانمرګی برید شوی او په کې د دې کمپنۍ دوه افغان کارکوونکي وژل شوي او یو بهرنی وګړی يې ټپي شوی دی.
د فريدون په نوم سرګروپ چې له هسکې مينې ولسوالۍ سره تعلق لري او له خپلې ډلې سره د سولې کميټې سره يو ځای شو، په خپلو تېروتنو پښيماني څرګندوي
د افغانستان په ختيځو ولایتونو کې د پوليو د مخنيوي په غرض د واکسینو درې ورځينی کمپاین د یکشنبې په ورځ پيل شو.
د خوست خلک او د مدني ټولنو فعالان په ټوله کې پاکستان ته د افغان ولسمشر اشرف غني وروستۍ دوه ورځنی سفر ګټور بولي او وايي، چې که چیرې د دواړو هېوادونو حکومتونه په خپلو کې پر شویو ژمنو او موافقو عمل وکړي نو دواړو لوریو ته به په اقتصادي او امنیتي لحاظ ګټه ورسیږي.
د افغانستان د سرښار کابل پولیس وايي د یکشنبې په سهار په دارلامان سرک باندې په یوه ځانمرګې حمله کې د ولسې جرګې غړې شکریه بارکزۍ ژوبله شوې ده. په دې پېښه کې لږ تر لږه درې کسان وژل شوي او له شلو زیات زخمیان دي
د افغانستان او پاکستان لپاره د امريکې ځانګړی استازی، ډينيل فيلډمين په شمالي وزيرستان کې د پاکستاني پوځ د عمليآتو هرکلی کوي خو زياتوي چې دا عمليات بايد د ټولو وسله والو ډلو خلاف وشي. نوموړي په يوه ځانګړې مرکه کې د ترهګرۍ په وړاندې جګړه کې د پاکستان، افغانستان او امريکا په شريک کار کولو ټينګا وکړ.
افغان ولسمشر اشرف غني نن د پاکستاني وزيراعظم سره په ملاقات کې د ترهګرۍ پر ضد د شريک کار او په سيمه کې د امنيت په اړه خبرې وکړي. دواړو مشرانو د اړيکو د يو نوي باب د پرانيستلو خبره وکړه او د اقتصادي او امنيتي همکاريوو په زياتولو سلا شول.
افغان ولسمشر اشرف غني نن اسلام آباد کې د پاکستان د لومړي وزير ترڅنګ د نورو بيلا بيلو سياسي ګوندونو سره وليدل او د دواړو ملکونو پر اړيکو يې ورسره خبرې وکړي.
افغان ولسمشر او د پاکستان مالیې وزیر پر دې ټینګار وکړ چې د افغانستان او پاکستان ترمنځ د دونیم میلیاردو ډالرو سوداګرۍ اوسنۍ کچه باید په راتلونکو دوه کلونو کې پنځه میلیاردو ډالرو ته و رسېږي.
د ننګرهار ولایت هسکې مينې ولسوالۍ کې وسله والو طالبانو ۲۴ ښوونځي تړلي او ګواښ يې کړی چې تر هغې پورې به د ښوونځي ټړلي وي څو پورې چې حکومت د دوی غوښتنې ونه مني.
نور وښیئ
هېڅ میډیايي سرچینه اوس نشته