عبدالحی کاکړ د مشال راډیو خبریال دی چې د پاکستان، افغانستان او سیمې په اړه د خبریالۍ تر څنګ د مشال راډیو د اوونیز بحث "د مشال تر رڼا لاندې" کوربه هم دی. د مشال تر رڼا لاندې خپرونې ټولې راډیويي او ویډیويي برخې دلته اورېدای او لیدلای شئ.
د افغانستان په هرات ښار کې د افغان ځواکونو او طالبانو ترمنځ جګړې زور اخيستی چې ورسره د ښار د اوسېدونکي اندېښنې هم زياتې شوې دي. ځايي خلک وايي چې د امنيتي اندېښنو پرته په ښار کې د ورځنۍ اړتيا توکي ګران شوي دي. نور حال د فرانس پريس اژانس په دې ويډيويي راپور کې.
حکومت د وايرس د مخنيوي لپاره په کراچۍ کې د اګست تر اتمې نيټې پورې جزوي ټولبند/لاکډوان هم لګولی دی.
د هند د اتر پردېش ایالت د غازي اباد سیمې ارچنا دېوي څه د پاسه درې میاشتې وروسته له کووېډ-۱۹ ناروغۍ جوړه شوه. د ۴۵ کلنې دېوي کورنۍ وايي، نوموړې اوس له روغتونه کور ته انتقال شوې. هند د نړۍ له هغو هېوادونو یو دی چې د کورونا وایرس جهاني وبا زښت ځپلی دی. د اسوشيېټېډ پرېس اژانس ویډیويي رپورټ.
په پاکستان کې د جولای پر ۲۱مه نېټه لوی اختر دی او د هغه هېواد په مختلفو سيمو کې د قربانۍ څارويو رانيولو لپاره منډیانې لګېدلي دي. خو په کراچۍ کې داسې نجلۍ هم شته چې د انټرنېټ د لارې څاروي پلوري. په دې اړه د اسوشیېټېډ پرېس ويډيويي راپور وګورئ.
د پاکستان ولسمشر دفتر د جولاي پر اوومه نېټه په خبرپاڼه کې ويلي وو چې عارف علوي د بلوچستان د پخواني ګورنر امان الله ياسينزي استعفی ومنله او سيد ظهور احمد اغا يې د صوبې نوی ګورنر وټاکلی.
عمران خان په واک کې تر راتلو درې کاله وروسته له بلوڅ وسله والو ډلو سره د مذاکراتو خبره کړې ده خو تر دې وړاندې د نواز شريف په مشری د مسلم لیګ په واکمنۍ کې هم د دغسې خبرو اترو هڅه شوې وه.
ټولنې د جولايي پر درېيمه نېټه په خپاره شوي بيان کې ويلي چې احتجاج د پنجاب اسمبلۍ له خوا د پرېوېلېجز ترميمي اېکټ ۲۰۲۱ په نوم د منظور شوې قانوني مسودې پر ضد کوي.
په داسې حال کې چې امريکا د سږکال سېټېمبر ۱۱مې پورې له افغانستانه د ټولو ځواکونو د اېستلو اعلان کړی په دې هېواد کې د طالبانو حملو زور اخيستی او په تېرو څو اوونيو کې يې په لسګونو ولسوالۍ نيولې دي چې افغان ځواکونو ورڅخه د خينو کنټرول بېرته اخیستی دی.
رضا محمد رضا وايي، دا یو حقيقت دی چې عثمان خان کاکړ خپلځان سياسي مبارزې ته سپارلی وو او خپل ټول ژوند يې د ګوند تنظیمي او سياسي کارونو ته ورکړی وو.
د امريکا ولسمشر جو بايډن او د هغه روسي سيال ولاديمير پوتين د جون پر ۱۶مه په جېنېوا کې شوی خپل ملاقات ښه او مثبت ارزولی دی. خو د دوی ترمنځ پر ځينو خبرو اختلافات لا هم پر ځای پاتې شو. د سپینې ماڼۍ لپاره د امريکا غږ خبريالې پېټسي وداکوسوارا راپور عبدالحي کاکړ پښتو کړی دی.
د بلوچستان په بلوڅ مېشتو سيمو کې له ۲۰۰۰ز کال راهيسې بلوڅ وسله والو ډلو د پاکستان پرضد کارروايانې پيل کړې دي او دوی له دې هېواده بلوچستان بېلول غواړي.
د کوټې ښار اسېسټنټ کمېشنر محمد زوهيب الحق د جون پر ۱۳مه مشال راډيو ته وويل چې د شنبې (خالي) پر ورځ يې په هزاره ټاون کې د نجونو او هلکانو شپږ سکولونه ځکه وتړل چې د ده په وينا، د قانون له مخې له بلوچستان حکومت سره راجسټر نه ول.
د خيبر پښتونخوا حکومت د جون پر ۱۸مه د بوديجې وړاندې کولو لپاره د اسمبلۍ غونډه وربللې ده خو تر دې وړاندې د صوبې اعلا وزیر د بجټ په اړه د قبايلي ضلعو د اسمبلۍ له استازو سره سلا مشورې کړې دي.
د پاکستان بشري حقونو وزيرې د جون پر اوومه نېټه په قامي اسمبلۍ کې په زوره د خلکو لادرکه کولو عمل د جرم ګرځولو قانوني مسوده وړاندې کړه. په مسوده کې په لادرکۍ کې لاس لرونکي کس ته ۱۰ کاله د بند سزا تجويز شوې ده.
د مشال راډيو له خوا راغونډې شوې شمېرې ښيي چې په بلوچستان کې په تېرو ۱۷ مياشتو کې د ترهګرۍ تر پېښو ټرافيکي پېښې نه يوازې زیاتې شوې بلکې مرګ ژوبله هم بې ساري توګه پکې زیاته ده.
د کابل د سیدالشهدا ښوونځي زده کوونکو هوډ ښوولی چې د مې د اتمې پر برید سربېره زده کړو ته دوام ورکوي. خو د زده کوونکو کورنۍ یې امنیت ته اندېښمنې دي. د مې پر ۱۶مه د ځینو زده کوونکو کورنیو د یوه پرېکړه لیک له لارې د ښوونځیو امنیت غوښتنه وکړه. چارواکي وايي، حکومت د ښوونځیو پر امنیتي پلان کار کوي.
بیا يو وخت داسې هم راغی چې په ۲۰۰۶ز کال کې عوامي نیشنل ګوند د اختلافاتو ښکار شو او هغه "فولادي ښځه" د خپل زوی اسفنديار ولي خان په مشرۍ مرکزي مجلس عاملې له ګونده وایسته.
د پاکستان حکومت تر فيصلې وروسته د دې هېواد له افغانستان او ايران سره پولې تړل شوې دي. دا اقدام په دې هېواد د کورونا وبا په تېزۍ سره د خپرېدو د مخنيوي په خاطر پورته کړل شوی دی. په دې اړه فرانس پريس اژانس ويډيويي رپورټ عبدالحي کاکړ پښتو کړی دی.
نور وښیئ
