د لاسرسي ځای

تازه خبر

باچاخان پوهنتون له ۲۵ ورځو پس بیا پرانستل شو


باچاخان پوهنتون بيا پرانيستل شو
تم شئ

هېڅ میډیايي سرچینه اوس نشته

0:00 0:01:19 0:00

باچاخان پوهنتون بيا پرانيستل شو

د پرانستلو پرمهال د پوهنتون زدهکوونکیو احتجاج هم کاوه او له حکومته یې غوښتنه کوله چې په هاغه پېښه کې له مړو ژوبلو سره هغسې مرستې نه دي شوې چې څه رنګ پکار وې.

د خېبر پښتونخوا په چارسده کې د باچا خان پوهنتون نن د فېبرورۍ پر ۱۵مه نېټه د کلکو امنیت په ترڅ کې بیا پرانستل شو. دغه پوهنتون د جنورۍ په شلمه نېټه د وسله وال له خونړي بریده پس تړل شوی وو، چې د يوه پروفېسر او ګڼو زده کوونکیو په ګډون یوويشت کسان وژل شوي ول او نژدې ۱۹ تنه نور چې ډېری یې زدهکوونکي ول ژوبل شوي وو. د هاغه برید ذمه واري د طالبانو دره ادم خېل یوې ډلې منلې وه.

د مشال راډیو خبریال شبیراحمد جان وايي، د باچا خان پوهنتون پرانستو پر وخت ګڼ امنیتي کسان چې پکې ښځې ساتونکې هم وې، د پوهنتون ودانۍ ګېرچاپېره او پر چتونو یې امنیت نیولی وو.

زموږ خبریال په خپل رپوټ کې وايي، د پوهنتون هغه ځایونه چې په برید کې ورته زیان رسېدلی وو، د رغېدو چارې یې بشپړې شوې او په ځینو برخو کې لا هم روانې دي. دی وايي، د خفیه کېمرو پر ټاکلیو ځایونو هم کار روان دی.

د باچا خان پوهنتون وايس چانسلر ډاکټر فضل الرحیم مروت د پرانستنې مهال له مشال راډیو سره په خبرو کې وويل چې په پوهنتون کې به سرله سبا (د نهې ورځ) باقاعده د زدکړو بهیر پیل شي. دی زیاتوي چې د بيا رغونې او نورو امنيتي ګامونو وروسته یې د زدکړو لړۍ بیا بحالوي.

'باچاخان پوهنتون له امنیته مطمین یم'
تم شئ

هېڅ میډیايي سرچینه اوس نشته

0:00 0:02:12 0:00

پر دې مهال ځینو ښځینه زدهکوونکیو له مشال راډيو سره په خبرو کې وویل، پر پوهنتون دومره لوی ناورین تېر شوو خو نن د پرانستلو مهال نه د پاکستان مرکزي حکومت او نه هم د صوبايي حکومت یو وزیر او نه هم یو استازی ورغلی دی چې تشه د خولې ډاډګېرنه ورکړي.

'پښتون بچی نه ډارېږي خو له حکومته مو ګیله ده'
تم شئ

هېڅ میډیايي سرچینه اوس نشته

0:00 0:01:28 0:00

د باچا خان پوهنتون د بیا پرانستلو پر مهالیوې بلې زدهکوونکې له مشال راډيو سره په خبرو کې وویل، خپل تعلیم به جاري ساتي چې د خپلو شهیدانو زدهکوونکیو ارمانونه پوره کړي.

د خپلو شهیدانو ارمانونه به پوره کوو
تم شئ

هېڅ میډیايي سرچینه اوس نشته

0:00 0:01:02 0:00

زدهکوونکي ادعا کوي، حکومت یې نااهله دی چې دومره لویې پېښې کېږي خو بیا هم عبرت نه اخلي.

XS
SM
MD
LG