د واکسینو پر کمپاينونو سربیره، پاکستان کې پوليو ولې نه ختمېږي؟
په پاکستان کې وخت په وخت د پولیو ضد کمپاينونه شوي خو پر دې سربېره په هغه هېواد کې لا هم د ګوزڼ پېښې رامينځ ته کېږي. د پوليو په نويو ناروغانو کې یو په راولپېنډۍ ښار کې پښتون ماشوم عبدالقدیر خان دی چې څه موده وړاندې ګوزڼ وهلی وو. د هغه کورنۍ وايي چې مېندې او پلرونه دې خپلو ماشومانو ته د پولیو ضد واکسین ورکول باوري کړي چې دا شان خپل ماشومان په راتلونکي کې له کړاوونو وساتي. انیسې اجمل د اسوشېټېډ پرېس اژانس له ویډیو دا راپور جوړ کړی دی.
