انځور او ویډیو

• جنوري ۱۹, ۲۰۲۶

  د بې درکه کسانو خپلوانو په پېښور کې مظاهره کړې ده

  له خیبر پښتونخوا د یوشمېر بې درکه کسانو خپلوانو په پېښور کې د خبریالانو مرکز مخې ته مظاهره کړې ده او له حکومته یې عدالتونو ته د هغوی وړاندې کولو غوښتنه کړې ده. چارواکو لا د مظاهرچیانو د څرګندونو په غبرګون کې څه نه دي ویلي. ویډيويي رپورټ.

• جنوري ۱۹, ۲۰۲۶

  هسپانیا کې د اورګاډي پېښې ۳۹ تنه وژلي دي

  په هسپانیا کې له پټلۍ د یو چټک اورګاډي د اوښتو او له بل اورګاډي سره د ټکر په پېښه کې لږ تر لږه ۳۹ تنه وژل شوي دي. چارواکي وايي، پېښه د جنورۍ پر ۱۸مه د قرطبې ولایت له ادموز ښار سره نېږدې شوې ده. تفصیل د رویټرز اژانس له ویډيو په جوړ رپورټ کې.

• جنوري ۱۹, ۲۰۲۶

  پکتیا کې زدکوونکو په مصنوعي زیرکتیا چلېدونکي شیان جوړ کړي

  په پکتیا کې د یو ښوونځي زدکوونکو په مصنوعي زیرکتیا (ځیرکتیا هم لیکل کېږي) او نورې ټېکنالوژۍ چلېدونکي شیان جوړ کړي. زدکوونکو خپل جوړ کړي شیان د جنورۍ پر ۱۷مه له ۱۲م ټولګي څخه د شاګردانو فراغت غونډې پر مهال نندارې ته وړاندې کړل. ویډيويي رپورټ.

• جنوري ۱۸, ۲۰۲۶

  په کراچۍ کې د اورلګېدو په پېښه کې لږ تر لږه ۶ کسان وژل شوي او په سلګونه دوکانونه سوځېدلي

  د کراچۍ په صدر سیمه کې په یوه کاروباري پلازه کې د اورلګېدنې په پېښه کې لږ تر لږه ۶ کسان وژل شوي او شاوخوا ۲۲ ټپیان شوي دي۔ چارواکي وېره لري چې ښايي ځینې نور کسان لا هم په ودانۍ کې بند پاتې وي. کاروباریان وايي چې شاوخوا ۱،۲۰۰ دوکانونه بشپړه سوځېدلي دي. نور حال د نیاز علي خان په ويډیو

• جنوري ۱۸, ۲۰۲۶

  هسپانیه کې اسونه د اور له لمبو څخه ولې تېرول کېږي؟

  په هسپانیه کې هر کال د جنورۍ پر ۱۶مه یوه دودیزه مېله لمانځل کېږي، چې د سان بارتولومې ډي پیناریس نومې سیمه کې تر سره کېږي. په دې دوديزه مېله کې سږ کال له ۱۰۰ زیات کسان پر اسونو سپاره ول او د اور له لمبو څخه تېر شول.

• جنوري ۱۸, ۲۰۲۶

  د پښتونخوا په څېر په افریقا کې هم ګوړې ګاڼۍ شته

  د پښتنو د سيمو په څېر په افریقايي هېواد نایجېریا کې هم ګاڼۍ شته چې پکې ګوړه پخېږي او تیارېږي. د هغه هېواد یو اوسېدونکی وايي، دا کسب ورته له نیکونو په میراث کې پاتې شوی دی. نور د رویټرز اژانس له ویډیو په جوړ رپورټ کې.

• جنوري ۱۷, ۲۰۲۶

  خوست کې د مطیع الله تراب په یاد کې فوټبال اتلولي پای ته رسېدلې

  د جنورۍ پر ۱۶مه په خوست کې د فوټبال هغه سیالۍ چې د ولسي او حماسي شاعر مطیع الله تراب په یاد کې جوړې شوې وې، د متون چیغۍ کلي غورځنګ کلب په بریا پای ته ورسېدې.

• جنوري ۱۷, ۲۰۲۶

  په متحده عربي اماراتو کې مرغلرې څنګه پیدا کېږي؟

  په متحده عربي اماراتو کې د مرغلرو (ملغلرو) د کښت د دود ژوندي ساتلو لپاره هلې ځلې کېږي. د دې عمل لپاره د راس الخیمې په اوبو کې یو فارم جوړ شوی او هلته د مرغلرو د تر لاسه کولو لپاره کښت شوی دی.

• جنوري ۱۶, ۲۰۲۶

  د سوات تاریخي سېنېما ولې ړنګېږي؟

  په وروستیو کې د "سوات سېنېما" د ړنګولو چارې پیل شوې دي او پر ځای به یې کاروباري مرکز جوړېږي. د سېنېما د ړنګولو چارو ټېکه دار ظفر علي مشال راډیو ته وویل، د سېنېما ړنګولو تر ټولو لوی لامل د نندارچیانو نه شتوالی دی. دی وايي، سېنېما له تېرو ۱۲ کلونو راهیسې په تاوان کې وه. تفصیل په ویډيويي رپورټ کې.

• جنوري ۱۶, ۲۰۲۶

  له افغانستان سره تر لارو بندېدو وروسته پاکستان کې د سبزيو کاروبار اغېزمن شوی

  په افغانستان کې د طالبانو د حکومت او پاکستان ترمينځ تر وروستي کړکېچ او ترينګلتيا وروسته پر ډیورنډ کرښه د دواړو هېوادونو ترمينځ د تګ راتګ لارې تړل شوي چې له امله يې په پاکستان کې د تازه سبزيو او مېوو پر کاروبار منفي اغېز کړی دی.

• جنوري ۱۵, ۲۰۲۶

  جرمني او اسټرالیا کې د ایرانیو مظاهرچیانو په ملاتړ لاریونونه شوي دي

  په جرمني او اسټراليا کې د ایران د حکومت مخالفو مظاهرچیانو په ملاتړ لاریونونه شوي دي. د لاریونونو ګډونوال وايي، په ایران کې وضعیت تر بل هر وخت زیات خراب شوی دی. په هغه هېواد کې د ډېسېمبر له ۲۸مې راهیسې د ګرانې ضد پیل شوې مظاهرې ژر په حکومت ضد احتجاجونو واوښتې. تفصیل په رپورټ کې.

• جنوري ۱۵, ۲۰۲۶

  د ایران اوسنۍ مظاهرې له پخوانیو هغو څومره مختلفې دي؟

  په داسې حال کې چې امریکايي ولسمشر ډانلډ ټرمپ د کره سرچینو په حواله ویلي دي چې تهران د مظاهرچیانو وژل درولي او اعدامونه هم بندوي، راپورونه وايي په ایران کې د احتجاجونو شدت نسبتاً کم شوی دی. موږ د ایران د راتلونکې په اړه په تهران کې د پاکستان له پخواني سفیر اصف خان دراني سره ویډیويي مرکه کړې ده.

نور وښیئ