د افغانستان ننګرهار ولايت والي شاه محمود میاخېل وايي په تورخم کې يې د کورونا وایرس مشکوکو کسانو لپاره ځای جوړ کړی دی. هغه وايي له پاکستانه وراوښتونکی هر کس به د کورونا وایرس د خورېدو د مخنيوي په خاطر په دغه ځای کې تر ۲۰ ورځو پورې قرنطین کېږي. تر اوسه معلومه نه ده چې د تورخم لار به کله پرانيستل شي.
سره له دې چې په دې وروستیو کې له ملي، سیمه ییزو او نړیوالو رسنیو څخه د کورونا وایرس د خطرونو په باب په پرلپسې توګه عامه پوهاوی کیږي،
د روس په سایبیریا سیمه کې هر کال د څپېړو مقابله کېږي، دا د طاقت ښودلو د مقابلو برخه وي چې پکې برخه اخیستونکی خپل سیال په پنځو څپېړو کې د غورځولو هڅه کوي. سږکال په دې مقابلو کې ۱۰ کسانو برخه واخیسته. دا رپورټ منورشاه برابر کړی دی.
د کورونا وایرس د خورېدو له کبله د خېبر پښتونخوا بازارونه تړلی او په دواخانو کې ماسکونه ختم شوي دي. د مردان روغتون يا ميډيکل کمپليکس کارکوونکو پخپله د ماسکونو په جوړولو شروع کړي چې دوی یې ناروغانو او ډاکټرانو ته ورکوي. په اړه یې د عظمت علي شاه ويډيو...
په کابل کې نن د هغو افغان سيکانو د سوځولو مراسم وشول چې پرون د مارچ په پنځه ویشتمه په يو بريد کې په کابل کې وژل شوي وو. نن په دې مهال د مراسمو د ځای سره نیزدي يوه چاودنه هم وشوه خو چاته یې زیان نه دی اړولی.
د کورونا وايرس له يو کس څخه بل ته ځي نو ښه خبره دا ده چې د خلکو ترمنځ فاصله وي. پر کور کښېيناستل او لاسونه ډېر ډېر په صاب وينځل مو له دې وايرسه ساتلی شي. تاسي خپلو ماشومانو ته دا ویډيو وښاياست او که پوښتنې لرئ، راسره شربکې یې کړئ.
د خېبر پښتونخوا د مردان په منګه کلي کې ۳۹ کسان په کورونا وایرس اخته شوي دي. په يو کلي کې په کورونا وایرس د دومره ډېرو خلکو اخته کېدو وجه څه ده؟ په اړه یې د خېبر پښتونخوا د صحت وزير تيمور جګړا خبرې واورئ.
په کابل کې د مارچ پر ۲۵مه نېټه پر یوه درمسال شوې حمله کې ۲۵ کسان وژل شوي او ۸ نور ټپیان دي. وژل شوي او زخميان ټول ولسي وګړي دي. د افغانستان د سیکانو د ټولنې استازي نریندر خالصه مشال راډیو ته وویل چې لږترلږه ۱۵۰ کسان د حملې په ځاي کې راګیر ول.
د پاکستان په سرښار اسلام اباد کې نيزدي ټول دکانونه د کورونا وایرس د خورېدو له وېرې بند دي. خلک وايي دوی ته دا قبوله ده خو چې له کورونا وایرسه بچ پاتې شي. احمدالله یې په اړه ويډيو راپور لري.
د خېبر پښتونخوا په سوات کې د کورونا وايرس کوم مریض نشته خو دلته د ځينو مشکوکو کسانو ټيسټونه د نتيجو معلومولو لپاره لېږل شوي دي. د مينګورې بازار بند کړل شوی دی او له خلکو غوښتل شوي چې له کوره بې ضرورته راونه وځي. د نياز احمد خان په ويډيو کې یې نور تفصیل شته.
په نړۍ کې د کورونا وایرس د ناروغانو شمېر په زیاتېدو دی او همدا راز له دې وایرسته د مړو شمېر هم ورځ په ورځ زیاتېږي خو تر اوسه د کورنا وایرس ویکسین نشته. ډاکټران وايي دا مهال خلک یوازې په احتیاطي تدابیرو ځانونه له دې وایرسه ژغورلی شي.
د کورونا پر وړاندې د بدن قوت څنګه زیات کړو؟ د نړۍ په بېلابېلو هېوادونو کې د کورونا وایرس په زرګونو خلک ځپلي دي. ډاکتران وايي هغه خلک د دې وايرس سره د مقابلې ښه توان لري چې د بدن دفاعي نظام یې قوي وي. په دې اړه د ښه صحت لپاره د خوړو ماهر يا نيوټروشونیسټ مشتاق حسېن سره مرکه کړې ده.
نور پورته کړئ
زه مشال راډیو ته اجازه ورکوم چې ما ته زما پر تبصرې د غبرګون یا ځواب راستولو لپاره زما برېښلیک پته وکاوري
لېږل
