د خیبرپښتونخوا د ټانک ضلعې انتظامیه وايي، د سېلاب ځپلو لپاره یې ۱۰۰ کورونه تیار کړي دي.
د دې ضلعې مرستيال کمېشنر تنویر خان د اکتوبر پر اتمه مشال راډیو ته وویل چې د سېلاب ځپلو شمېر زیات دی خو دا کورونه به زياتو غريبو کورنيو ته ورکوي.
نوموړي زياته کړه چې د کورونو سپارلو چارې يوازې هغې سيمې ته د پاکستان د وزیراعظم سفر ته ايسارې دي.
د یادونې وړ ده چې وزيراعظم شهباز شريف د اګست پر څلورمه د ټانک د دورې پر مهال اعلان کړی وو چې حکومت به يې د سېلاب ځپلو لپاره نوي کورونه جوړوي.
ټانک په خیبر پښتونخوا کې د سږنیو سېلابونو له کبله یو له تر ټولو زیاتو ځپل شويو سیمو څخه ده.
