ځلاند یوسفزی په پېښور کې د مشال راډیو خبریال او د ویډیويي مطالبو اېډېټر (مدیر) دی. هغه پر بېلابېلو موضوعاتو غږیز، لیکلي او ویډیويي راپورونه او مستند فلمونه جوړوي.
ملي جمهوري غورځنګ د پلازمېنې اسلام اباد په ګډون د پاکستان په یوشمېر ښارونو کې د وزیرستان ځوانانو سازمان د څلورو غړو د وژنې ضد مظاهرې کړې دي. هغه څلور فعالان د جون پر ۱۹مه په شمالي وزیرستان کې ووژل شول او د جون پر ۲۰مه خاورو ته وسپارل شول. ویډیويي رپورټ.
د خیبر پښتونخوا د سرکاري سکولونو نویو استادانو د پېنشنونو ختمېدو ضد د اسلام اباد په بني ګالا کې د تحریک انصاف ګوند مشر عمران خان کور مخې ته احتجاجي پرلت وهلی دی. دوی د جون پر ۱۹مه د احتجاج پیلولو پر مهال مشال راډیو ته وویل، صوبايي حکومت د نویو ګومارل شویو سرکاري کارکوونکو پېنشن ختم کړی دی.
د خيبر پښتونخوا په صوابۍ کې د مې په ۱۶مه د تحريک انصاف جلسه وشوه. په دې جلسه کې د دغه ګوند مشر عمران خان يو ځل بیا تور پورې کړ چې دی د امريکې د سازش له مخې له وزيراعظمۍ ليرې شوی دی. امريکا دا تور بې بنياده بللی. د جلسې ويډيو راپور دلته وګورۍ.
په اسلام اباد کې یوشمېر کسانو په ایران کې له افغان کډوالو سره د ناوړه چلند د تورونو پرضد مظاهره وکړه. د اپرېل پر ۱۰مه دا احتجاج د متحده همدرد ځوانانو شورا په نوم یوه ناحکومتي سازمان ترتیب کړی وو. په وروستیو کې پر ټولنیزو شبکو یوشمېر ویډیوګانې خپرې شوې او دعوې وشوې چې ایراني حکومتي چارواکي پر افغان
د پاکستان پلازمېنې اسلام اباد، پېښور او سوات په ګډون په یوشمېر ښارونو کې ګڼو خلکو د تحریک انصاف د وفاقي حکومت او له وزیراعظمۍ څخه د عمران خان د ګوښه کېدو ضد مظاهرې کړې دي. د اپرېل پر ۱۰مه ماخوستن مهال احتجاجونه تر هغې وروسته وشول چې د خالي او اتوار ترمینځ نیمه شپه د قامي اسمبلۍ له ۳۴۲ څخه ۱۷۴ غړو د
د زده کوونکو یوه خیریه سازمان ایکټ اف کاینډنس (د مهربانۍ عمل) د پاکستان په بېلابېلو ښارونو کې بېوزله او خواریکښو ته د روژه ماتې بندوبست کوي. دې سازمان په اسلام اباد کې هم دسترخوان غوړولی او وايي، ټوله روژه به روژه ماتی تیاروي. د سازمان مشر عتیق اپرېدی وايي، له روژې پرته هم له خواریکښو سره مرستې کوي.
د خيبر پښتونخوا په ۱۸ ضلعو کې د مارچ پر ۳۱مه د بلدياتي انتخاباتو په دويم پړاو کې ټاکنې کېږي چې څه باندې ۲۸ زره نوماندان ورته ولاړ دي. دا لومړی ځل دی چې په شمالي وزيرستان، جنوبي وزيرستان، کورمې او اورکزو کې بلدياتي انتخابات کېږي. په دې اړه نور تفصيل د مشال راډيو په ويډيويي راپور کې وګورئ.
په پاکستان کې اپوزيشن ګوندونو د مارچ پر ۲۸مه د شپې مهال په سرښار اسلام اباد کې د پاکستان تحريک انصاف ګوند په مشرۍ مرکزي حکومت پر ضد جلسه وکړه چې لسګونه زره کسانو ګډون پکې کړی وو.
حکمران ګوند پاکستان تحريک انصاف تېره ورځ په اسلام اباد کې د امر بالمعروف په نوم جلسه وکړه چې ورته وزيراعظم عمران خان وويل چې کوم ډول سازش د پخواني وزيراعظم ذوالفقار علي بوټو د حکومت پر ضد شوی وو هم هغه ډول سازش د تحريک انصاف د حکومت پر ضد هم روان دې.
د پښين حسيب الله د بلوچستان لومړی لوبغاړی دی چې د کرکټ په نړېوال جام کې د پاکستان د ۱۹ کالونو کشره ملي لوبډله کې لوبېږي. حسيب الله وايي چې په پښين کې د لوبو اسانتياوې نشته خو په خپل ځاني زيار د کرکټ ملي ټیم برخه ګرځېدلی دی.
په بنو کې پښتون قامي جرګه د یو ۲۵ نکاتي پرېکړه لیک په منظورولو پای ته رسېدلې. د مارچ پر ۱۴مه د جرګې کوربه او د پښتونخوا ملي عوامي ګوند مشر محمود خان اڅکزي پرېکړه لیک واوراوه او له ګډونوالو څخه یې ورباندې رایې واخیستې. په پرېکړه لیک کې راغلي چې د پاکستان پښتانه دې په یوه صوبه کې یو ځای شي. په پرېکړه
د پاکستان پیپلز ګوند احتجاجي لاريون د مارچ پر اتمه شپې مهال اسلام اباد ته تر رسېدو وروسته پای ته رسېدلی دی. ياد ګوند د فبرورۍ پر ۲۷مه له کراچۍ څخه د اسلام اباد پر لور حکومت ضد احتجاجي لاریون پیل کړی وو. ویډیويي رپورټ.
د ګلګت بلتستان د هنزې سیمې ښځو په تېرو کلونو کې د ژوند په بېلابېلو برخو کې فعالیتونه زیات کړي دي. د خیبر پښتونخوا په شمال کې په پرتې هغې سیمې کې د نجارۍ (ترکاڼۍ) یو داسې ورکشاپ دی چې ټولې کارکوونکې یې ښځې دي. مشال راډيو د ښځو نړیوالې ورځې په مناسبت دا مستند فلم جوړ کړی.
د پېښور په کوچه رسالدار کې د اهل تشیع په یوه جومات کې د جمعې لمانځه پرمهال په ځانمرګي برید کې ۵۶ کسان وژل شوي او تر ۱۹۰ زیات ژوبل دي. چارواکي وايي، د مارچ پر څلورمه وسله وال لومړی له جومات سره نېږدې پر پولیسانو ډزې وکړې او وروسته یې ځانمرګی برید وکړ. د حملې ذمه واري چا نه ده منلې. ویډیويي رپورټ.
په اسلام اباد کې د خبريالانو اتحاديې د پاکستان د برېښنايي جرمونو د مجازاتو په قانون (الېکټرانک کرایمز رېګولېټري ایکټ یا پېکا) کې د بدلونونو ضد احتجاجي مظاهره وکړه. له بدلونونو سره سم، پر ټولنیزو شبکو د یو چا د بدنامولو پر سر عدالت یو کس ته د پینځو کلونو د بند سزا اورولای شي. ویډیويي رپورټ.
د اسلام اباد له نړیوال اسلامي پوهنتونه د ۵۷ افغان زده کوونکو د فراغت غونډه وشوه چې ورته په پاکستان کې د طالبانو د حکومت ناظم الامور هم ورغلی وو. د فبرورۍ پر ۲۰مه تر غونډې وروسته زده کوونکو مشال راډیو ته وویل، د طالبانو حکومت دې ورته د کار موقعې برابرې کړي. ویډیويي رپورټ.
په اسلام اباد کې خبریالانو د یوې رسنۍ د مالک محسن بېګ د ګرفتارۍ او د یوه ټېلېوېژن چینل د تړلو پرضد مظاهره کړې. خبریالانو د فبرورۍ پر ۱۷مه د مظاهرې پرمهال مشال راډيو ته وویل، دا ډول اقدامات د بیان ازادي لا محدودوي. د پاکستان برېښنايي رسنیو د انتظام ادارې (پېمرا) په فبرورۍ کې تر هغې وروسته نیوز ون
عامره لیاقت د پاکستان تر واک لاندې د کشمیر ده او په وروستیو کې یې په اسلام اباد کې د تازه مېوو شربت او خوړو غرفه یا ډابه خلاصه کړې ده. نوموړې په مطالعه پاکستان کې ماسټري کړې. عامره لیاقت وايي، د خپل کار پیلولو موخه یې د نورو ښځو ځواکمنول دي. ویډیويي رپورټ.
په پلازمېنه اسلام اباد کې د جنورۍ پر ۱۴مه نېټه د پښتون ژغورنې غورځنګ په بلنه د علي وزیر په ګډون د یاد غورځنګ د یوشمېر نورو بندي غړي د راخوشې کولو لپاره احتجاجي مظاهره وشوه.
نور وښیئ
