پامیر ساحل

د اپرېل ۱۶مې ویډیويي خبرونه

امریکا په افغانستان کې پر داعش تر ټولو زورور بم غورځولی

د افغانستان له وخت سره سم، شاوخوا اووه بجې، د امریکا پوځ له جي بي یو – ۴۳ بم څخه کار واخیست. جي بي یو – ۴۳ یو ځواکمن بم دی چې کره نښه ولي. موږ د اسلامي دولت ډلې وسله والو هغه سمڅه په نښه کړه چې هغه یې د ازاد تګ راتګ لپاره کاروله او پر افغان ځواکونو او امریکايي سلاکارانو یې بریدونه کول.

روسیې سره تعلقات ((ساړه)) دي، ناټو دې د افغانانو مرسته وکړي: ټرمپ

نوموړي دا خبرې تر هغې وروسته په سپینه ماڼۍ کې کړې دي چې د امریکا بهرنیو چارو وزیر رېکس ټېلرسن د لومړي ځل لپاره د ټرمپ د ادارې د یوه لوړپوړي چارواکي په توګه له روسي ولسمشر ولادمیر پوتین سره وکتل.

د تودوښې درجه ولې په لوړېدو ده؟

څېړونکي وايي، د تودوښي درجې زیاتېدو تر ټولو لوی اغېز به د مخ پر ودې هېوادونو ښاري سیمې وي ځکه چې هلته ابادي ګڼه ده، د صنعتونو له کبله هوا او چاپېریال زیات ککړېږي او د داسې ودانیو او مشینونو موجودګي پراخه ده چې حرارت زېږوي.

د اپرېل نهمې ویډیويي خبرونه

روس له امریکا سره د فضايي پېښو مخنیوي تړون وځنډاوه

دا د شام په شپږکلنۍ کورنۍ جګړه کې پر شامي حکومت د امریکا لومړی مستقیم برید او د ولسمشرۍ له دندې تر لاسه کولو وروسته د ډونلډ ټرمپ تر ټولو مهم پوځي امر بلل کېږي. تر دې حملې لږ مخکې، روسیو ډېپلوماټانو امریکا ته د دې ((شکمن او خپه کوونکي اقدام)) په اړه خبرداری ورکړی وو

د مشال راډیو په ووبپاڼه کې بدلونونه شوي

تاسې کولای شئ چې په دې ویډیو کې د مشال راډیو په ووبپاڼه کې د نویو بدلونونو په اړه معلومات تر لاسه کړئ.

د اپرېل دویمې ویډیويي خبرونه

د مارچ ۲۶مې ویډیويي خبرونه

د مارچ ۲۶مې ویډیويي خبرونه

اسلامي دولت وسله والې ډلې د لندن برید مسولیت قبول کړ

اسلامي دولت وسله والې ډلې د لندن د پروني برید مسولیت قبول کړ او ویې ویل برید کونکی د دوی سرتېری و.  اسلامي دولت وسله والې ډلې نن د خپل غیر رسمي خبري اژانس اماق له لارې دغه خبر خپور کړی دی.

اېف بي ای: په امریکايي انتخاباتو کې د روسیې مداخلې پلټنې روانې دي

دا خبره د دې ادارې مشر جېمز کومي د دوشنبې پر ورځ د کانګرس د استازو جرګې د استخباراتي چارو کمېټۍ ته په اورېدنه کې وکړه. دا کمېټي یو له هغو کانګرسي کمېټیو ده چې د ۲۰۱۶ز کال د ولسمشریزو ټاکنو په لړ کې د روسیې د مشکوکې مداخلې تحقیقات کوي.

د مارچ ۱۹مې ویډیويي خبرونه

تر بریدونو وروسته پاکستان د تورخم او چمن لارې وتړلې

بیان وايي، پوځ به د هېواد ساتنه کوي او د وروستیو بریدونو ((ځواب به ورکوي.)) د پوځ په بیان کې د پوځ مشر جنرال قمر جاوېد باجوه له خولې ویل شوي، ((د خلکو د توی کړل شوې وینې به سمدستي بدل اخلي.))

ډونلډ ټرمپ د امریکا ولسمشرۍ دندې لوړه کوي

په رسمي ډول د ټرمپ تر ولسمشرېدو یوه ورځ مخکې هم کارکوونکو د واشنګټن په مرکز کې خاردار تارونه لګول او شاوخوا ۱۵ فوټه لوړ دېوالونه او د ګاډو پر مخ یې خنډونه ولاړول.

یو افغان د اروپايي ټولنې د مخابراتو ټېکنالوژۍ څېړونکی ټاکل شوی

د بغلان اصف حبیبي څه د پاسه یو کال د موبایل ټېلېفون د پینځم نسل (یا ۵ – جي) ټېکنالوژۍ په اړه څېړنه کړې وه چې د جرمني د کایزرز لاوترن په تخنیکي پوهنتون کې ورته د څېړونکي او ډاکترۍ زده کوونکي په توګه دنده ورکړل شوې ده.

په نیوزیلینډ کې تر زلزلې وروسته څونامي راغلې

د ملي ملکي دفاع سازمان وايي، د څونامۍ ((لومړۍ څپه ښايي ډېره اغېزناکه نه وي.)) سازمان زیاتوي، څونامي ښايي تر څو ساعتونو روانه وي. خو په ارام بحر (بحر الکاهل) کې د څونامي خبردارۍ مرکز وايي، له اوسنیو معلوماتو سره سم، د ((په ګرد بحر کې د وېجاړوونکې څونامۍ تمه نشته.))

مزار شریف کې د جرمني پر کونسلګرۍ وسله وال برید شوی

وسله والو په مزار شریف ښار کې د جرمني کونسلګرۍ په دروازه کې موټر بم حمله کړې. هېوادوال مو شهیدان شوي او څو تنه ژوبل هم دي. په سیمه کې وضعیت د افغان او بهرنیو ځواکونو تر واک لاندې دی او ټول ټپیان روغتون ته رسول شوي دي.

ایرانیان د ټرمپ بریا په اړه بېلا بېل نظرونه لري

په ایران کې خلک د ډونلډ ټرمپ انتخاباتي بریا په اړه بېلا بېل نظرونه لري. ځېنې یې د هغه افکار خوښوي خو ځېنې یې د اټومي توافق په اړه د هغه دریځ اندېښمن کړي دي. ځېنو ته د ټرمپ بریا صدمه رسولې ده. د اژانس فرانس پرېس ویډیو.

د ټرمپ انتخاباتي بریا ضد د زرګونه کسانو احتجاج

د رېپبلېکن ګوند له خوا د ولسمشرۍ نوماند ډونلډ ټرمپ انتخاباتي بریا پر ضد په زرګونه خلکو په نیویارک کې د نوموړي ودانۍ – ټرمپ ټاور – مخې ته مظاهره کړې. دوی وايي، غواړي ښکاره کړي چې د ټرمپ ټاکنې ضد دي. د رویټرز اژانس ویډیو.

پوتین وايي له واشنګټن سره اړیکو سمولو ته چمتو دی

روسي ولسمشر ولادمیر پوتین، ډونلډ ټرمپ ته د امریکا ولسمشریزو انتخاباتو په ګټلو مبارکي ورکړې. ده د چارشنبې پر ورځ د نویو سفیرانو یوې غونډې ته په وینا کې وویل، مسکو له واشنګټن سره د خرابو اړیکو ښه کولو په لړ کې د خپلې برخې کار کولو ته تیار دی. ده زیاته کړه چې ښايي دا کار مشکل وي. د اې پي ویډیو.