د ننګرهار چارواکي وایي چې نن د جون پر ۱۵مه نېټه سهار په درې جلا جلا پېښو کې د ناڅرګندو وسله والو په ډزو پینځه وېکسینېټران وژل شوي او دوو نورو وېکسینېټرانو په ګډون پینځه تنه ټپیان شوي دي.
د ننګرهار ولایت مطبوعاتي مسوول عطاالله خوږیاڼی وایي، پر وېکسینېترانو برید د خوږیاڼو ولسوالۍ اړوند چمتلې ښارګوټي کې شوی دی چې پینځه وېکسینېټر پکې وژل شوي او بل هغه ټپي شوی دی. دویمه پېښه د سره رود ولسوالۍ اړوند شوې چې دوه تنه وېکسینېټران پکې ټپیان شوي دي او دوه تنه نور د جلال اباد ښار اړوند درېیمه ناحیه کې ناڅرګندو وسله والو په ډزو ټپیان کړي دي."
د ننګرهار والي ضیاالحق امرخېل په خپله ټویټر پاڼه یادې پېښې غندلې او زیاته کړې یې ده،"وېکسینېټران زموږ د ماشومانو د ژوند ژغورلو په موخه کور په کور د څاڅکو اچولو په موخه ګرځي او ژوند ژغوري، خو د انسانيت دښمنان د دوی ژوند اخلي."
د ننګرهار په حوزوي روغتون کې د کتلوي معافیت امر ډاکټر جان محمد صاحبزاده وایي، د پولیو پر ضد د واکسینو کمپاین د جون پر ۱۴مه پیل شوی و او سر له ننه تر نامعلوم وخته وځنډول شو.
دا هم وګورئ:
په جلال اباد کې د پولیو واکسينو د کمپاين ۳ کارکونکې ووژل شوېد بیان ازادي خطر ته مخامخ ده: افغانستان بشري حقونو کمېشنننګرهار ناامني: یوه ډاکټره او اووه مزدوران وژل شويننګرهارۍ مېرمنې اوربند او سوله غواړيټاکل شوې وه چې په دې کمپاین کې به په ننګرهار کې شاوخوا اوه سوه زره هغو ماشومانو ته د پولیو په ضد د واکسینو دوه څاڅکي ورکول کېږي چې عمرونه یې تر پینځو کلونو کم وي.
د یادو پېښو مسوولیت لا تر دې دمه چا نه دی منلی.
د ذکر وړ ده چې د پولیو پر ضد د واکسینو د کمپاین په تېره دوره کې هم په جلال اباد ښار کې درې تنه ښځینه وېکسینېټرانې ناڅرګنده وسله والو په ډزو وژلې وې.