روسیې د برتانیا پر وزيراعظم بوریس جانس، د بهرنيو چارو وزيرې ليز ټروس او ځينو نورو برتانوي چارواکو روسیې ته د ورتګ بنديز لګولی دی.
د روس بهرنيو چارو وزارت د اپريل په ۱۶مه په يوه خبرپاڼه کې وويل چې دا کار یې د برتانيې لخوا په نړيواله توګه د روس د یوازې کولو د هڅو په غبرګون کې کړی دی.
برتانیا، امريکا او اروپايي ټولنې د اوکراين د اشغال له امله پر روس بندیزونه لګولي او سخت بيانونه یې ورکړي دي.
روسیې د اپريل په شپاړسمه د اروپايي اتحادیې ۱۸ غړي تر هغې وروسته له هېواده و ایستل چې دې اتحادیې د روس ۱۹ ډيپلوماټان وشړل.
