د چين په بيجنګ ښار کې د کورونا وايرس نوې بڼې اوميکرون لومړی ناروغ میندل شوی دی.
دا له هغه يوه اوونۍ مخکې ده چې په چين کې د اولمپک ژمنۍ لوبې پيليږي.
د هيډيان ضلعې چارواکو ويلي دي چې د کورونا وایرس په دې نوې بڼه اخته شوي کس د استوګنې ځای او د کار ځای تړل شوي او په زرګونه خلک یې معاینه کړي دي.
بیجینګ او د هېواد په نورو ښارونو کې د اولمپیک لوبو تر پېليدو مخکې د کوورنا وايرس ټيسټونه زيات کړل شوي دي.
په چين کې د اولمپيک ژمنې لوبې د فرورۍ پر څلورمه پېلېږي.
