د ایران ولسمشر ابراهیم رییسي د ۲۰۲۲ز کال په پیل کې د خپل روسي سیال ولادیمیر پوتین په بلنه مسکو ته ځي.
دا خبره د ډېسېمبر پر ۲۸مه د ایراني حکومت ویاند علي بهادري جهرمي په یو بیان کې کړی ده.
نوموړي زیاته کړې چې د روسیې ولسمشر ولادمیرپوتین رییسي د دواړو هیوادونو ترمینځ د ستراتیژيکو اړیکو په چوکاټ کې د خبرو لپاره مسکو ته غوښتی دی.
د کرېملن پر ووبپاڼه لیکل شوي چې ولسمشر پوتين روانه میاشت په مسکو کې له یوناني وزیراعظم کیریاکوس میڅوتاکیس سره د یو شریک خبري کنفرانس پر مهال رییسي ته بلنه ورکړې وه.
ایران او روسیه نېږدې اړیکې لري او دواړه هېوادونه د شام په کورنۍ جګړه کې د ولسمشر بشارالاسد اتحادیان دي.
تر دې وړاندې د ایران منځلاری ولسمشر حسن روحاني په ۲۰۱۷ز کال کې مسکو ته تللی وو.
