د ملګرو ملتونو د روغتيا نړيواله اداره وايي چې په افغانستان کې به د نومبر له اتمې څخه د پوليو ضد واکسينو کمپاين پيليږي.
دې ادارې پر ټويټر ليکلي چې په ټول افغانستان کې به له پنځو کلونو کم عمره ماشومانو ته د ګوزڼ دا واکسين وشي. دې ادارې له خلکو غوښتنه کړې چې خپل ماشومان واکسين کړي.
پر افغانستان د طالبانو د ولکې له ټینګولو وروسته، د پولیو ضد واکسین کمپاین ټکنی شوی وو.
تر دې مخکې ویل شوي وو، چې په دې تازه کمپاین کې به نږدې لسو ملیونو ماشومانو ته واکسین ورکړل شي.
