د لاسرسي ځای

تازه خبر

طالبانو افغان ژباړونکو ته په عدالت کې د حاضرېدو ويلي


طالبانو دغو ژباړونکو ته خبرداری ورکړی، که چيرې دوی حاضر نه شول نو کورنۍ به یې له ګواښ سره مخ شي. انځور- ارشیف

طالبانو هغو افغان ژباړونکو ته په عدالت کې د حاضرېدو ويلي چې له اروپايي هيواد هالينډ سره یې په افغانستان کې دنده ترسره کړي.

د هالينډ اېن او اېس تلویزون د اکتوبر پر لومړۍ نېټه په خپل دغه راپور کې لیکلي، دغو ژباړونکو ته خبرداری ورکړل شوی چې که حاضر نه شول نو کورنۍ به یې له ګواښ سره مخ شي.

په افغانستان کې یو شمېر ژباړونکي او د هغوی کورنۍ دا مهال په پټه ژوند کوي.

خو اېن او اېس تلویزون د اکتوبر پر لومړۍ نېټه په خپل راپور کې د طالبانو لخوا د یو خط په حواله وايي چې که چيرې دغو کسانو ځانونه حواله نه کړل نو له داسې سختو سزاګانو سره به مخ شي.

دغه خط د اروپايي پولیسو ادارې يوروپول سره یو کارکوونکي پخواني ژباړونکي ته استول شوی او پکې راغلي:

"ژباړونکو د بهرنیانو لپاره کار کړی و او په بدل کې يې د ذلت او ناروا پيسې اخيستې وې."

د اېن او اېس د راپور له مخې، هم دغه ډول خطونه نورو ژباړونکو ته هم استول شوي. په يو بل خط کې ليکل شوي:

"موږ به غچ اخلو او که چيرې موږ ستاسو په نيولو کې بریالي نه شو نو ستاسو له نېږدې خپلوانو سره به حساب کوو."

د اګست پر ۱۵مه، د کابل له نيولو وروسته، طالبانو هغو کسانو ته د حاضرېدو ويلي دي چې له پخواني حکومت او یا بهرنیانو سره يې دندې ترسره کړې وې.

XS
SM
MD
LG