د لاسرسي ځای

تازه خبر

د امریکا لخوا له افغانستانه د خلکو اېستلو بهير وروستي پړاو ته داخل شوی


سپينې ماڼۍ ويلي دي چې په تېر يو شواروز کې امریکا او اتحادي هيوادونو يې د کابل له هوايي ډګره ۱۲،۵۰۰ کسان ايستلي دي. 

د اګست پر ۲۸مه د امریکا په مشرۍ کې د کابل هوايي ډګر له لارې له افغانستانه د خلکو د اېستلو بهير وروستي پړاو ته داخل شوی دی.

د امریکا پوځ وايي، دوی په دې باور دي چې له افغانستانه د بهرنيو ځواکونو د وتلو تر وروستۍ نېټې یعنې د اګست تر۳۱مې وړاندې هم پر کابل هوايي ډګر له افغانستانه د خلکو د ايستلو عملیاتو ته باوري ګواښونه دي.

له کابله د خپلو وګړو او افغانانو ایستلو په بهیر کې ښکيلو تر ۲۰ زياتو اتحادي هيوادونو کې ډيری هغو ويلي چې دوی د خلکو ايستلو بهیر د اګست پر ۲۷مه پای ته رسولی دی.

سپينې ماڼۍ ويلي دي چې په تير يو شواروز کې امریکا او اتحادي هيوادونو يې د کابل له هوايي ډګره ۱۲،۵۰۰ کسان ايستلي دي.

واشنګټن وايي چې د اګست تر ۲۸مې یې له افغانستانه يو لک پينځه زره کسان ايستلي دي.

XS
SM
MD
LG