د لاسرسي ځای

تازه خبر

ټوکیو کې د اولمپېک سیالۍ پای ته ورسېدې


په ټوکیو کې د اولمپېک سیالۍ د اګست پر اتمه پای ته ورسېدې

د جاپان په پلازمېنه ټوکیو کې د اولمپېک سیالۍ پای ته رسېدلې دي.

په دې نړیوالو لوبو کې امریکا پر لومړي مقام، چین پر دویم او کوربه جاپان پر درېیم نمبر راغلی دی.

امریکا د سرو زرو ۳۹ مېډالونه ګټلي، چین ۳۸ او جاپان ۲۷ ترلاسه کړي دي.

دا لوبې د جولای له ۲۳مې نېټې پیل شوې وې او د اګست پر اتمه پای ته ورسېدې.

ټاکل شوې وه چې دا لوبې په ۲۰۲۰ز کال کې شوې وای خو د کورونا وایرس جهاني وبا له کبله تر یو کال پورې وځنډېدې.

د جاپان د اولمپېک سیالیو کمېټۍ لومړی پرېکړه کړې وه چې محدود شمېر خلک به د سیالیو نندارې ته پرېږدي خو هلته د کورونا وایرس پېښو زیاتېدو له وجې یې د سیالیو له پرانیستغونډې څخه تر پای پورې لوبغالو ته د نندارچیانو پر ورتګ بندیز ولګاوه.

اولمپېک سیالۍ هر څلور کاله پس کېږي.

XS
SM
MD
LG