انګلینډ په درېیمه ۲۰ اوریزه سیالۍ کې په درو وېکټو پاکستان ته په ماتې ورکولو د سیالیو لړۍ وګټله.
د جولای پر ۲۰مه د مانچسټر په لوبغالي کې د درو سیالیو په وروسته لوبه کې پاکستان لومړی بیټېنګ وکړ او انګلینډ ته یې د ۱۵۵ منډو هدف ورکړ.
د انګلینډ لوبډلې په اخري اوور کې د اووه لوبغاړو په سوځېدو هدف پوره کړ. جېسن رای په ۳۶ بالونو (توپونو) ۶۴ او ډېوېډ مېلان ۳۱ منډې جوړې کړې.
د پاکستان له لوري محمد حفیظ درې، او عماد وسیم، شاداب خان او عثمان قادر یو، یو لوبغاړی وسوځاوه.
د بیټېنګ پر وخت د پاکستان وېکټ کیپر محمد رضوان د درو شپږیزو او پینځه څلوریزو په مرسته ۷۴ منډې جوړې کړې.
تر دې مخکې د جولای پر ۱۸مه هم د انګلینډ لوبډلې په دویمه سیالۍ کې په ۴۵ منډو پاکستان ته ماته ورکړې وه.
د پاکستان لوبډلې د سیالیو د لړۍ لومړۍ لوبه ګټلې وه.