د امريکا انصاف محکمې د جون پر ۱۷مه يو بېړنی درخواست جمع کړی چې د ملي امنيت پخواني سلاکار جان بولټن د کتاب خپرېدو مخه ونيسي. د دې کتاب ځینې اقتباسات خپاره شوي دي.
دا دویم وار دي چې د ولسمشر ټرمپ ادارې هڅه کړې د یادداشت مخه ونیسي.
د دوی په خبره په دې کې داسې حساس معلومات دي چې ملي امنیت ته خطر جوړولای شي.
د انصاف محکمې په بولټن تور پرې کړي چې د ولسمشر ډونالډ ټرمپ سلاکار کېدو مخکې نوموړي د کتاب بیاکتنې پروسې پرېښودو پرېکړه کړې وه.
بولټن په خپلو دعوو کې يوه خبره دا هم کړې وه چې ټرمپ د چین له ولسمشر څخه بیا انتخابېدو لپاره مرسته غوښتې وه او ولسمشر ټرمپ ورسره په لفظي ډول د ایغورانو لپاره د حراستي مرکزونو د جوړولو ملاتړ خبره کړې وه.
ولسمشر ټرمپ وال سټریټ ژورنال ورځپاڼې سره په مرکه کې بولټن "درواغجن" بللي وو.
