په پاکستان کې په تېرو ۲۴ ساعتونو کې د کورونا وایرس تر ۲۲۰۰ زیاتې پېښې ثبت شوې دي.
د حکومتي ووبپاڼې له وینا سره سم، په دې توګه د مې ۱۳مې تر سهاره په پاکستان کې د کورونا وایرس د ناروغانو شمېر ۳۴،۳۳۶ ته لوړ شوی چې ورڅخه یې ۷۳۷ مړه شوي خو ۸،۸۱۲ یې رغېدلي هم دي.
دا په داسې حال کې ده چې د پاکستان حکومت د مې له نهمې راهیسې محدودیتونه نرم کړي او کاروبارونه یې بیا پرانیستي دي.
اخوا په افغانستان کې د کورونا وایرس د مثبتو پېښو شمېر ۴،۹۶۳ ته لوړ شوی دی.
د امریکا جانز هاپکېنز پوهنتون له وینا سره سم، ناروغۍ د مې ۱۳مې تر سهاره په افغانستان کې ټول ۱۲۷ کسان وژلي دي.
