د امریکا کانګرس د ایران پر ضد د پوځي اقدام په اړه د ولسمشر ډونلډ ټرمپ د واک محدودولو په اړه یو قرارداد منظور کړی دی.
ددې قرارداد تر مخه د کانګرس له ښکاره مرستې بغیر د ایران پر ضد د هر اقدام مخالفت شوی دی. خو که چیرې د ایران له خوا څرګند خطر وي نو قرارداد ولسمشر ټرمپ یا د راتلونکو وختونو ولسمشران د ایران پر ضد له اقدامه نه منع کوي.
ټرمپ تر دی وړاندې ژمنه کړې وه چې که دغه قراداد منظور شي نو دې به يي ویټو کوي. د قرارداد پلویان د ولسمشر د ویټو څخه د تیریدو لپاره پوره رايې نه لري نو قراداد نه شي عملي کیدی.
