د لاسرسي ځای

تازه خبر

خبرونه

روسيه کې حکومت مخالف سياسي مشر له زندانه خوشي شو

الېکسي ناوالني له زندانه راووت

پراګ - په روسيه کې حکومت مخالف سیاسي مشر الېکسي ناوالني نن د ماسکو له یو زندانه خوشي شوی دی. هغه ته د دغه هېواد د مظاهرو په اړه د سخت قانون د سړغړونې په تور د ۳۰ ورځو د بند سزا اورول شوې وه.

نن (د اګست پر ۲۳مه) په ماسکو کې تر خوشي کېدو وروسته ناوالني خبریالانو ته وویل هغه په دې کې هیڅ شک نه لري چې دا وخت د یرې ترهې پر کارونو سربېره چې څه ډول خلک نیول کېږي، دا مظاهرې به زیاتېږي او دا حکومت به پر خپلو کړنو سخت پښېمانه وي.

په روسيه کې مظاهرې تر هغه وروسته زیاتې شوې چې انتخاباتي چارواکو د ماسکو په را روانو بلدیاتي انتخاباتو کې ځینې ازاد کانديدان له برخې اخيستو منع کړل. په دغو کې ځینو مظاهرو ته اجازه ورکړل شوې وه او ځینو ته نه.

په ماسکو کې د مظاهرو پر مهال په زرګونه مظاهرچیان چې د رايې کارولو غوښتنه کوي د پولیسو لخوا نیول شوي دي. د دغو مظاهرو داسې ویډیوګانې زیاتې خپرې شوي دي چې پکې پولیس پر مظاچیانو تشدد کوي. دا مظاهرې د روس نورو ښارونو ته هم خورې شوې دي.

الېکسي ناوالني چې د کريملين له انتقادکوونکو دى، تېره مياشت (جولای) ورته تر هغې وروسته د ۳۰ ورځو د بند سزا واورول شوه چې کله نوموړي له خلکو په هغو لاریونونو کې د ګډون غوښتنه وکړه چې اجازه نه و ورکړل شوې.

د نننۍ ورځې ټول خبرونه وګورئ

ټرمپ د منځنۍ اسیا لپاره نوې ستراتېژي اعلانوي

د امریکا ولسمشر ډونالډ ټرمپ.

د امریکا ولسمشر ډونلډ ټرمپ اداره پلان لري چې د منځنۍ اسیا لپاره نوې ستراتیژي اعلان کړي.

له طبیعي سرچینو سره په دې مالاماله سیمه کې د نفوذ په خاطر چین او روسیه سره سیالي کوي او د افغانستان له لورې وسله وال د منځنۍ اسیا ثبات تهدیدوي.

د امریکا بهرنیو چارو د وزارت چارواکو د ډېسېمبر پر ۱۳مه وروسته تر دې چې د قزاقستان له بهرنیو چارو وزیر مختار تیلیو بیردي سره یې وکتل، وویل چې سږکال واشنګټن د منځنۍ اسیا له پنځو هیوادو سره دوه اړخیز ډیپلوماټیکې اړیکي زیاتې کړې دي.

د امریکا یو پلاوی د جولای په میاشت کې وروسته له څلور کلونو د لومړي ځل لپاره قرغزستان ته ولاړ، د امریکا بهرنیو چارو وزیر په نومبر کې د ترکمنستان بهرنیو چارو د وزیر رسد میریدوف کوربه و او ټاکل شوې ده چې په پسرلي کې د تاجکستان او ازبکستان د حکومت پلاوي د کلنۍ سلامشورې لپاره په واشنګټن کې د امریکا د بهرنیو چارو د وزارت میلمانه وي.

په منځنۍ اسیا کې د امریکا دلچسپي په داسې وخت کې زیاته شوې ده چې واشنګټن هڅې کوي له افغانستانه، چې د منځنۍ اسیا له دریو هیوادو سره ګډه پوله لري، خپل ځواکونه وباسي.

که تهران عراق کې امریکا ته زیان ورسوي سخت ځواب به ورکړو: پامپيو

د امريکا بهرنيو چارو وزير ايران ته خبردارى ورکړ، که په عراق کې د امريکا ګټو ته زيان واړوي، واشنګټن به يې په وړاندې قاطع ځوابي اقدام وکړي.

مايک پامپيو وروسته له هغې دا خبره وکړه چې د عراقي او بهرنيو ځواکونو پوځي اډو ته څېرمه راکټي حملې وشوې.

پامپيو د ډېسېمبر پر۱۳مه په يوه اعلاميه کې د ايران نيابتي وسله وال تورن کړي چې پر هغو پوځي اډو يې ګڼې حمل کړي چې د عراق امنيتي ځواکونه له امريکايي او د نړيوال ايتلاف له پرسونل په ګډه سره دېره دي.

دوى د اسلامي دولت افراطي ډلې يا داعش په وړاندې په مبارزه کې ښکېل دي.

اعلاميه وايي، د بغداد نړيوال هوايي ډګر په انګړ کې د عراق پر يوې ودانۍ د تېرې دوشنبې په حمله کې پنځه عراقي سرتېري ټپيان شول چې د دوو روغتيايي وضعيت نازک دى.

اعلاميه زياتوي، تېره چارشنبه پر دغه هوايي ډګر بله راکټي حمله وشوه، په دې اړه نور جزئيات نه دي ورکړل شوي.

مايک پامپيو د ايران رهبرانو ته خبردارى ورکړى چې د دوى او د دوى د نيابتي وسله والو له خوا هر ډول حمله که امريکايانو يا د دوى متحدانو يا د امريکا ګټو ته زيان ورسوي، د امريکا له خوا به سخت ځواب ورکړل شي.

په غزني کې ۲۳ افغان سرتېري وژل شوي

د افغانستان د غزني ولایت په قره باغ ولسوالۍ کې د سیمه ییزې اردو ۲۳ سرتېرې وژل شوي او نهه نور له وسله والو طالبانو سره تللي دي.

د غزني ولایتي شورا مرستیال امان الله کامراني نن (د ډېسېمبر پر۱۴مه) مشال راډیو ته وویل، تېره شپه د قره باغ ولسوالۍ په لیونۍ بازار سیمه کې د سیمه ییزې اردو په مرکز کې ۲۳ سرتېري وژل شوي او نهه نور له وسله والو سره تللي دي.

دی وايي د یوه ټانګ ترڅنګ د مرکز ټول تجهیزات هم وسله والو ته تسلیم کړل شوي دي.

کامراني زیاتوي داسې انګېرل کېږي چې دغه نهه نفوذي کسان وو.

د طالبانو ویاند ذبیح الله مجاهد ادعا کړې چې د دوی وسله والو تېره شپه د ځايي اردو پر قرارګاه برید کړی او ۳۲ سرتېري یې وژلي دي.

د کورنیو چارو د وزارت ویاند فواد امان وايي، پلټنې روانې دي او د برید تر شا نور جزیات به وروسته روښانه شي.

شمالي کوریا يو ځل بيا توغندي توغولي

د شمالي کوریا ازمايل شوی توغندی

شمالي کوریا د ډېسېمبر پر۱۴مه ویلي چې هغوی د سوهای په نوم د اوږده واټن د توغندیو د ازموینې په مرکز کې یوه بله مهمه ازموینه په کامیابۍ سره ترسره کړې ده.

دا اعلان په داسې وخت کې شوی چې د شمالي کوریا مشر کیم جونګ اون تېر کال د جنوبي کوریا د ولسمشر مون جی این سره په یوه سرمشریزه کې رضا شوی وو چې د « سوهای» په نوم د توغندیو ویشتن ځای به تړي.

له دې کاره یې موخه د دواړو خواوو ترمنځ د باور زیاتول وو.

د شمالي کوریا سرکاري خبري اژانس KCNA، لیکي چې د ډېسېمبر پر۱۳مه د شپې د لس نیمو بجو په خواو شا کې دغه توغندی ازمویل شوی دی.

په اعلامیه کې دا نه دي ویل شوي چې د ډېسېمبر پر ۱۳مه د څه شي ازموینه شوې ده؟

یوازې څو ورځې وړاندې شمالي کوریا ویلي وو، هغوی په سوهای مرکز کې یوه ډېره مهمه ازموینه کړې ده.

له دې سره داسې انګېرنې کېدې چې کېدای شي په یاد مرکز کې یوه نوې دستګاه ځای پر ځای شوې وې چې ښايي فضا ته د ویشتونکې وسیلې د لېږلو او یا هم د انټرکانټینینټل بیلیسټیک میزایل لپاره وکارول شي.

غزني: ماین چاودنې ۱۰ تنه وژلي

د افغانستان په غزني ولایت کې د سړک غاړې ته د ښخ کړل شوي بم چاودنې لږ تر لږه۱۰تنه وژلي دي.

چارواکي وايي چې دا چاودنه د ډسېمبر پر ۱۳مه د غزني په جغتو ولسوالۍ کې شوې ده.

د دوی په وینا په وژل شوو کې درې مېرمنې او یو ماشوم هم شامل دي.

د غزني د والي ویاند عارف نوري ویلي چې وژل شوي ټول ولسي وګړي وو.

دا زیاته کړې چې په دې پېښه کې شپږ تنه نور ټپي شوي هم دي.

چارواکي وايي چې دا بم د دې لپاره اېښودل شوی وو چې افغان امنیتي ځواکونه په نښه کړي ځکه چې د چاودنې له ځایه ۳۰۰ میټره لرې د هغوی یو مرکز دی.

چا تر اوسه د دې زمه واري نه ده منلې.

نړیوال اسلامي پوهنتون کې نښتې یو تن وژلی،۱۰ژوبل

عکس له ارشیفه

د اسلام اباد په نړيوال اسلامي پوهنتون کې د يوې غونډې پر مهال زده کوونکو د دوو ډلو ترمنځ په نښته کې یو وژل شوی او تر۱۰ زیات نور ټپي شوي دي.

د یاد پوهنتون یو استاد د نوم نه ښودلو په شرط د ډسېمبر پر ۱۳مه مشال راډیو ته وویل چې پېښه هغه مهال شوې چې سرایکي ټوډنټس کونسل د اسلامي جمعیت طلبا د یو غونډې مخالف وکړ.

د پوهنتون انتظاميې په خبرپاڼه کې ویلي چې دا پېښه د ډسېمبر پر ۱۲مه رامنځ ته شوې ده.

خبرپاڼه زیاتوي چې وژل شوی کس طفيل الرحمن نومېږي.

پوهنوتون نن تړل شوی دی.

د اسلام اباد مرستيال کمېشنر محمد حمزه شفقات پر ټویټر لیکلي دي چې پولیسو د پوهنتون امنیت چارې سمبال کړې دي او رېنجرز ځواک هم ورغوښتل شوی دی.

جرمن ژبپوه زمري خان ته افغان دولتي نښان ورکړل شو

افغان ولسمشر اشرف غني جرمن ژبپوه ډاکټر سباستیین هاینه ته د علامه سید جمال الدین نښان ورټومبي

د ارګ وبپاڼه کاږي چې جرمن ژبپوه ډاکټر سباستیین هاینه ته چې پر خپلځان یې پښتون نوم زمری خان ایښی، د علامه سیدجمال الدین افغان دولتي نښان ورکړ.

د راپور له مخې ولسمشر محمد اشرف غني دا نښان هغه ته د افغانستان د ژبو او فرهنګ د ودې لپاره د هغه د څېړنو او خدمتونو د ستاینې لپاره د پنجشنبې په ورځ په ارګ کې په یوه غونډه کې ورکړ.

د جرمني د بون پوهنتون استاد سباستیین کورت هاینه د پښتو، دري، ازبکي، ترکمنۍ، پشه يي، بلوڅي او پامیري ژبو او په مجموع کې د افغانستان د فرهنګ په برخو کې ګټورې څېړنې کړې دي.

پاکستان د راو انوار بندیزونو په اړه ولې څه نه وايي؟

راو انوار د نقيب مسيد تر وژنې دوه ورځې مخکې تصوير

د پاکستان بهرنیو چارو وزارت د وزيرستاني ځوان نقيب الله مسود په وژنه تورن راو انوار د امريکايي بنديزونو په اړه له څه ویلو ډډه کړې.

د ډسېمبر پر ۱۲مه په اسلام اباد کې د بهرنیو چارو وزارت اونيزې غونډې ته په خپله وينا کې د يوې پوښتنې په ځواب کې د وزارت وياند ډاکټر محمد فصل وويل:

"موږ په راو انوار د امريکايي بنديزونو په اړه ځکه ډېر څه نه وايو چې د هغه مقدمه دا وخت په عدالت کې روانه ده".

د يادونې ده چې امريکا د ډسېمبر پر۱۰مه د وزيرستاني ځوان نقيب الله مسود په وژنې تورن د پاکستاني پوليسو پر پخواني افسر راو انوار بنديزونه ولګول.

د امريکا د خزانې وزارت پر خپله ویبپاڼه ليکلي چې نوموړي د خپلې کارې مودې پر مهال ۱۹۰ جعلي پولیس مقابلې کړي چې پکې د نقیب الله مسود په ګډون يې تر۴۰۰ زیات کسان وژلي دي.

بلخوا راو انوار دغه تورونه رد کړي دي.

د هند پارلېمان مذهبي لږکیانو ته د وګړتوب ورکولو نوی قانون منظور کړ

د هند پارلېمان هغه قانوني مسوده منظوره کړه چې ترمخه یې له پاکستان، افغانستان او بنګله دیشه هلته په ناقانونه توګه ورغلو غیر مسلمانانو ته د تابعیت ورکولو اجازه ورکوي.

مسوده چې روانه اونۍ د استازو جرګې منظوره کړې وه، د ډسېمبر پر۱۱مه د مشرانو جرګې هم منظوره کړه.

په مسوده کې راغلي چې هغو هندوانو، عیسایانو، سیکانو، بودایانو او فارسیانو ته تابعیت ورکوي چې هند ته له دغو درې واړو هیودونو څخه له ۲۰۱۵ز کال مخکې تللي دي.

د مسودې پرضد د هند په اسام کې مظاهرې او د احتجاج کوونکو او پولیسو ترمنځ نښتې شوي دي.

ښایي دغه قانون په عدالت کې هم چلینج شي، تنقید کوونکي دا قانون امتیازي او د هیواد له ایین د سیکولر اساس د منځه وړل ګڼي.

په هند کې واکمن هندو نشنلسټ ګوند بهارتیا جناتا ویلي چې دا قانون به هغو خلکوته چې د مذهب پر اساس پرې تشدد کېږي، د پناه اخیستو موقع ورکړي.

امریکا پر ایران نوي بندیزونه لګولي

د امریکا او ایران بیرق

بندیزونه د ایران د ټرانسپورټ پر هغو کمپنیو لګول شوي چې په مبینه توګه یمن ته خطرناکې او د ډله ایزې وژنې وسلې وړي.

د امریکا بهرنیو چارو وزیر، مایک پومپیو د ډیسېمبر پر ۱۱مه د دې اعلان وکړ.

هغه دا هم وویل، هیله لري چې په وروستیو کې د واشنګټن او تهران ترمنځ د بندیانو شوې تبادله به د دواړو هېوادونو ترمنځ د خبرو پیل ته لار هواره کړي.

د امریکا خزانې وزارت د عبدالحسین خضري پر کمپنۍ هم بندیز لګولی او ویلي يې دي چې له هغې کمپنۍ څخه د ایران اسلامي انقلاب ساتونکي ځواک بهرنۍ څانګې قدس په یمن کې شییعه حوثي وسله والو ته د پوځي وسایلو د لېږدولو لپاره کار اخیست.

سوات: د مسلم لېګ (ن) يو ځايي مشر وژل شوی

د پاکستان مسلم لېګ (ن) يو بېنر

نن د خېبر پښتونخوا د سوات په کبل تحصيل کې د مسلم لېګ (ن) يو ځايي سياستوال فیروز شاه خان وژل شوی دی.

د پوليسو په وېنا فیروزشاه ماښام له جوماته وتلو چې حمله پرې وشوه. د دوی په وېنا وسله والو دا بريد په مغار سيمه کې کړی او بيا تښتيدلي دي. په دې حمله کې د نوموړي يو ساتونکی زخمي دی. تر اوسه معلومه نه ده چې بريد چا کړی دی او پولیس وايي د ريدګرو د نيولو هڅې کوي.

فيروز شاه پخوا د امن کمېټې مشر هم پاتې شوی دی او تر دې مخکې يې دوه وروڼه د وسله والو په بريد کې وژل شوي دي. هغه د مسلم ليګ (ن) له خوا له دې سيمې څخه پخوا د صوبايي اسمبلۍ لپاره کانديد شوی هم وو.

پېښور کې د وکيلانو هړتال دوام لري

د پېښور های کورټ ودانۍ

د خیبر پښتونخوا وکیلانو د صوبايي حکومت لخوا په فوجدارۍ او دیواني مقدمو کې نوي شوي ترمیمونه رد کړي دي. د صوبې د وکیلانو د صوبايي اتحادیې یو غړې محمد سریر خان مشال ریډيو ته وويل چې په دې ترميمونو سره به پر موکل د مقدمو لګښت زيات کړي.

د دوی په وېنا تر څو چې دا ترميمونه نه وې اخیستل شوي، مظاهرې به يې دوام لري.

بلخوا د خېبر پښتونخوا د قانون صوبای وزیر بیرسټر سلطان خان وايي د دې قانون سازۍ مطلب د خلکو ستونزې حلول دي.

د هغه په وېنا دوی کوښښ کوي چې د وکيلانو سره د مذاکراتو له لارې دا مسله حل کړي. چې خبرو ته تیار یو او باید هړتال ختم کړي---

د چیک په روغتون کې ډزې، شپږ وژل شوي

د چیک اوستراوا روغتون ودانۍ.

د چیک جمهوریت په یو روغتون کې شپږ کسان په ډزو وژل شوي دي.

پولیس وایي پېښه د دسېمبر پر۱۰مه د اوستراوا په یو نیورسټي روغتون کې شوي.

دغه سیمه د هېواد له مرکز پراګه ۳۵۰ کیلومیټره ختیځ ته ده.

د چیک وزیر اعظم اندرې بابیش د دسېمبر پر۱۰مه قامي ټېلېویژن ته وویل، دا دردونکې پېښه ده.

څلور کسان ځای پر ځای وژل شوي او دوه کسه چې زخمیان ول وروسته مړه شول.

د روغتون مشر جېري هاورلانټ ویلي ډزې د رواني ناروغانو د خدماتو په څانګه کې شوې.

پولیس وایي، په پېښه کې د ککړ یو مشکوک تن د نیولو هڅه یې وکړه خو هغه له ګرفتاریدو مخکې ځان وواژه.

د پېښې وروسته په ټول هېواد کې امنیت ټینګ کړی شوی دی.

بنو کې د روغتیا محکمې ښځېنه غړې ووژل شوه

د بنو نقشه.

د بنو پولیس وایي، پېښه د دسېمبر پر ماښام په نظیم بازار کې هغه وخت وشوه چې وسله والو پر یوه رکشه ډزې وکړي.

په پېشه کې د رکشې ډریور هم وژل شوی دی.

چارواکي وایي، ښځینه غړې د بنو په بکاخېل کېمپ په روغتیایي مرکز کې دنده لرله هغې د ګوزڼ کمپین په برخه کې کار کولو.

هغه له کاره کور ته روانه وه چې د پېښې ښکار شوه.

په بنو کې د راتلونکې ګل ورځې راهیسې د ګوزڼ ضد د څاڅکو ورکولو کمپین پیل کېدونکې دی.

په پاکستان کې سږکال ۹۱ ماشومان ګوزن وهلي چې پکې ۲۲ په بنو کې دي.

افغان حکومت باید د سولي مذاکراتو کې اساسي رول ولري: ظریف

د ایران بهرنیو چارو وزیر جواد ظریف.

د ایران بهرنیو چارو وزیر وایې، د افغانستان حکومت باید د سولي راتلونکو مذاکراتو کې اساسي رول ولري.

محمد جواد ظریف دا خبرې د دسېمبر پر نهمه د اسیا زړه - یا د استانبول پروسې د اتم کنفرانس په څنډو کې له افغان ولسمشر اشرف غني سره د لیدو پر مهال کړي دي.

له ارګ څخه د دسېمبر پر نهمه په خپره شوې اعلامیه کې راغلي چې د ایران بهرنیو چارو وزیر په دې لیدنه کې د افغانستان ټولو لاسته راوړنو پر خوندیتوب ټینګار وکړ او وې ویل چې غواړي په افغانستان کې جګړه پای ته ورسېږي.

اعلامیه زیاتوي، ولسمشر غني د افغانستان امنیت او ثبات د ایران په ګډون د سیمې او نړۍ د امن لپاره ګټور وباله.

افغانستان کې تلپاتې سوله غواړو: قریشي

د پاکستان بهرنیو چارو وزیر شاه محمد قریشي.

د پاکستان بهرنیو چارو وزیر شاه محمود قریشي د افغانستان تلپاتې سولې او ثبات لپاره د افغانانو په مشری د بهیر په لړ کې د اسلام اباد پر ژمنو ټینګار کړی دی.

د پاکستان سرکاري راډیو د دسېمبر پر۱۰مه په خپله ویبپاڼه لیکلي، قریشي د اسیا زړه استنبول پروسې په غونډه کې په دوشنبه وویل، نړیوالې ټولنې د پاکستان دې دریځ تایید کړی دی چې د افغانستان جګړې حل پوځي نه د مزاکراتو له لارې سیاسي جوړجاړی دی.

نوموړي په استنبول کې د خبرو پر مهال زیاته کړه، دوی له افغانستان سره تجارتي او اقتصادي اړیکې، د ولسونو ترمنځ او په سیمه ییزه کچه رابطې زیاتول غواړي.

څلوردېرش کلنه سنا مارین د فنلېنډ نوې وزیر اعظمه

ټاکل شوې چې۳۴ کلنه سنا مارین د دسېمبر پر۱۰مه د فنلېنډ د وزیر اعظمې په توګه څوګند پورته کړي.

هغه به د نړۍ تر ټولو ځوانه وزیر اعظمه وي.

نوموړې له دې وړاندې د هغه هېواد د ټرانسپورټ وزیره وه او په سیاست کې پوره تجربه لري.

د فرانس پریس اژانس ترمخه مارین د انټي راین ځای نیسي.

هغه تېره اوونۍ په پارلېمان کې د باور په ترلاسه کولو کې د پاتې راتلو پر سر له وزیر

اعظمۍ لیری شوی دی.

مارین ته د هغه ګوند سوشل ډیموکریټک او څلورو نورو هغو ګوندونو ملاتړ ترلاسه دی چې مشرانې یې ښځې دي.

چارواکي: د ډاکتر ناکامورا د وژنې په تور دوه کسان نیول شوي

جاپاني ډاکټر تېڅو ناکامورا له اوږدو کلونو راهېسې یې په ختیځ کې د اوبو لګولو، کرنې او روغتیا پر یو شمیر پروژو کار کاوه.

د ننګرهار ولايت چارواکي وايي، د ډاکټر ناکامورا په وژلو کې د لاس لرلو په تور دوه کسان نیول شوي او همدارنګه د دې پېښې د څېړنې په هدف له مرکزه یو پلاوی جلال اباد ته ورغلی دی.

د ننګرهار امنيه قوماندان محمد اېمل نيازي خبریالانو ته وویل چې د جاپاني مرستندویه کارکونکي ناکامورا د قتل په تړاو د پوليسو له لورې دوه کسان نيول شوي او پوښتنې ګرویږنې ترې روانې دي.

نوموړې د دې کسانو د هویت په اړه څه ونه ویل خو زیاته یې کړه چې د نیول شویو کسانو له کورونو یې وسلې او پوځي تجهیزات ترلاسه کړي.

د ننګرهار والي شاه محمود میاخیل نن د امنیې قومندانۍ په انګړ کې خبریالانو ته وویل، د ډاکټر تېڅو ناکامورا په وژنو ککړو کسانو موندلو لپاره د ولايتي ادارې په مشرۍ ګډو امنيتي ځواکونو هلې ځلې چټکې کړي او له مرکزه هم تخنيکي ټيم د مرستې په موخه ور رسېدلی دی.

جاپانی ډاکتر تېڅو ناکامورا چې له اوږدو کلونو راهېسې یې په ختیځ کې د اوبو لګولو، کرنې او روغتیا پر یو شمیر پروژو کار کاوه، تیره چارشنبې په ننګرهار کې ناڅرګندو وسله والو له خپلو پنځو ساتونکو سره په ډزو وواوژه.

قطر کې د امریکايي او طالب مرکچیانو ترمنځ د خبرو دوام

ارشیف

د قطر په پلازمېنه دوحه کې د امریکايي او طالب مرکچیانو ترمنځ خبرو نن د درېمې ورځې لپاره هم خبرو اترو دوام درلود.

په دې خبرو کې د افغانستان د سولې لپاره د واشنګټن ځانګړی استازی زلمی خلیلزاد د طالبانو د سیاسي دفتر له استازو سره پر هغه څه بحث کوي چې د خلیلزاد مطبوعاتي دفتر په افغانستان کې د تاوتریخوالي کمول او بالاخره یو اوربند ته رسیدل بللي دي.

په ننیو خبرو کې تر اوسه د کوم پرمختګ راپور نه دی ورکړل شوی.

پرون ځینو رسنیو د طالب ویاند سهیل شاهین له خولې وویل که له امریکايي لوري سره توافق لاسلیک شي نو طالبان به په امریکایانو بریدونه نه کوي.

خو وروسته ښاغلي شاهین پر خپل ټویټر وویل، د ده د خبرو موخه دا ده چې که له امریکا سره توافقنامه لاسلیک شي نودوی به بهرنیو سرتیرو ته له افغانستان څخه د وتلو لار ورکوي.

له وسله والو طالبانو سره تر دې مخکې هم د زلمي خلیلزاد په مشرۍ امریکايي هییت نهه پړاوه خبرې کړي چې په سيپټمبر میاشت کې ولسمشر ټرمپ په کابل د طالبانو د هغه برید له کبله لغوه کړې چې۱۲ افغانان او یو امریکايي په کې ووژل شول.

طالبانو ویلي اوسنۍ خبرې یې له هماغه ځایه پیل کړي کوم ځای چې دریدلې وې.

افغانستان کې د درغلیو ضد عدلي مرکز لاهم پیاوړی نه دی: م م

ملګرو ملتونو ويلي چې په افغانستان کې د فساد پرضد عدلي مرکز لاهم اغېزناکه کار نه دی کړی.

د ملګرو ملتونو مرستندويه ماموريت يو ناما نن له فساد سره د مبارزې نړيوالې ورځې په مناسبت په اعلاميه کې د افغان حکومت د نوښتونو ملاتړ ښودلی.

په اعلاميه کې په افغانستان کې د فساد پر مختلف اړخونو، ننګونو او حکومتي اقداماتو باندې خبرې شوې.

په دې کې د فساد ضد عدلي مرکز په اړه ويل شوي چې دې مرکز د فسار اړونده څېړونو په اړه د نيونو او حاضرولو په برخه کې له هېواده د نه وتو حکمونه تر اوسه نه دي عملي کړي.

ملګرو ملتونو د جزا د نوي قانون، اطلاعاتو ته د رسايي قانون، د فساد پروړاندې مبارزې قانون او د ۲۰۱۷ م کال فساد ضد تګلارې ملاتړ کړی دی.

د ایران او امریکي ترمنځ د بندیانو تبادله شوې

د ارشیف انځور

د ډېسېمبر پر اوومه د امریکې او ایران ترمنځ د بندیانو تبادلې داسې تمه پیدا کړېده چې کېدای شي له دې کار سره د تهران او واشنګټن ترمنځ ترېنګلې اړیکې ښې شي.

د بندیانو دا تبادله د سویزرلینډ په زیورخ ښار کې وشوه او په ترڅ کې یې د امریکې له پرېسټن پوهنتونه فارغ شوی ژووانګ چې په ایران، او ایرانی ساینس پوه مسعود سلیماني چې په امریکا کې بندي ول، ازاد شول.

د سپینې ماڼۍ په بیان کې د امريکا ولسمشر ‌ډونلډ ټرمپ د دې خبرېئ پخلی کړی چې وانګ خپل هېواد ته ستون شوی.

تر هغې یوه ورځ مخکې ولسمشر ټرمپ پر ټویټر ليکلې وو چېپه دې اړوند د ډيرو مناسبو مذاکراتو په ترسره کولو له ايرانه مننه کوي.

د ایران پارلیمان ته د بندیزونو د مخنیوي بودیجه وړاندې شوه

روحاني پارلیماني غړیو ته ویلي، وړاندیز شوې بودیجه پر تیلو د تر ټولو کم ممکن انحصار څرګندونه کوي.

د ایران ولسمشر حسن روحاني ویلي، د ډېسېمبر پر اتمه یې پارلیمان ته د بندیزونو مخنیوي بودیجه وړاندې کړې ده.

نوموړي ویلي، له روسیې څخه د اربونو ډالرو قرضه به د امدن یوه مهمه وسیله وي.

د فرانسې خبري اژانس په حواله، ولسمشر روحاني پارلیماني غړیو ته ویلي، د هغه لخوا وړاندیز شوې بودیجه پر تیلو د تر ټولو کم ممکن انحصار څرګندونه کوي.

له ایټمي تړون څخه د واشنګټن تر وتلو وروسته د امریکايي بندیزونو او د نورو محدودیتونو له وجې د ایران کرنسي او اقتصاد تاواني شوي.

نړیوالې مالیاتي ادارې ویلي، سږکال د ایران اقتصادي وده یې نږدې ۱۰ في صده کمه شوې ده.

بلخوا مسکو تیره اوونۍ ویلي ول چې تهران ترې د انرژی او انتظامي ډانچې د پروژو لپاره د نورو دوو اربو ډالرو د قرضو غوښتنه کړې ده چې په ۲۰۱۵ز کال کې د هغو پنځه اربو ډالرو قرضو برسېره دي چې د ورکولو ژمنه یې شوې وه.

امریکا د عراقي ملېشه پر درېیو مشرانو بندیزونه ولګاوو

په عراق کې مظاهرې دوام لري.

امریکا د عراقي ملېشه پر درېيو رهبرانو چې له ايران سره اړيکې لري، بنديزونه لګولي دي.

پر دوى دغه بنديزونه په عراق کې د وروستيو خپرو شويو احتجاجونو په ظالمانه ځپلو کې د همکارۍ د ادعا له کبله لګول شوي دي.

د امريکا بهرنيو چارو وزارت مرستيال سکتر ډېوېډ شېنکر د دسېمبر پر پشږمه خبريالانو ته وويل چې امريکا نن پر درېيو عراقيانو، په عراق کې د سوله ييزو مظاهرچیانو په ظالمانه ځپلو کې د لاس لرلو او بدعنونانۍ د هڅې له کبله بنديز لګوي.

دا اعلان په داسې حال کې وشو، چې د عراق په پلازمېنه بغداد کې د تازه تاوتريخوالي په نتيجه کې لږ تر لږه ١٢ تنه نور وژل شوي دي.

د عراق وګړي د اکتوبر له لومړيو، د پلازمېنې بغداد او د جنوب شيعه مېشتو سيمو لارو کوڅو ته د احتجاجونو لپاره راوتلي دي.

تراوسه په دې مظاهرو کې شاوخوا۴۳۰ عراقیان وژل شوي دي.

ملګرو ملتونه ایران کې پر مظاهرچیانو تشدد غندلی

په ایران کې مظاهرې.

د ملګرو ملتونو د بشري حقونو ادارې مشرې د ایران امنیتي ځواکونه د مظاهرچیانو پر ضد په سخت تشدد کارولو تورن کړي دي.

میچل بچیلیت د دسېمبر پر شپږمه وویل چې هغه په ایران کې د اوسنیو مظاهرو وروسته د مظاهرچیانو په نیولو او زورولو اندېښمنه ده.

نوموړی زیاته کړه مستندې ویډیوګانې ښايي چې د مظاهرچیانو پرضد سخت تشدد کارول شوی. او دا هم لېدل شوي چې امنیتي ځواکونه په پرامنه مظاهرچیانو ډزې کوي.

د ملګرو ملتونو بشري حقونو د ادارې مشرې زیاته کړې چې دا ایراني ځواکونو دا کارونه د نړیوالو اقدارو او بنیادي بشری حقونو سرغړونه ده.

ایمنسټي انټرنیشنل د دسېمبر پر دویمه وویل چې په ایران کې د مظاهرچیانو پرضد په عملیاتو کې تر اوسه ۲۰۸ کسان وژل شوي دي.

ایراني چارواکیو لا په دې اړه څه نه دي ویلي.

د دوکۍ د سکرو کان کې چاودنې یو تن وژلی دی

د سکرو یا کویلې د کان پخوانی عکس

چارواکي وايي، په دوکۍ سیمه کې، نن د سکرو په کان کې د چاودنې له کبله یو مزدور وژل شوی او بل ژوبل شوی دی. مرستندویه پرسونل، د وژل شوي تن جسد او ژوبل تن له کانه وېستلي دي.

دوکۍ د بلوچستان د مرکز کوټې شمال ختیڅ لوري ته په ۲۲۰ کېلومېټرۍ کې پرته سیمه ده چې پکې د سکرو درنګونه دي.

د سکرو د کان د څارنې مسوول محمد ناصر وايي، وژل شوی تن د بلوچستان د سنځاوۍ سره تړاو لري.

د بلوچستان د سکرو په کانونو کې زیاتره د خیبر پښتونخوا د شانګلې، سوات او نورو سیمو خلک هم کار کوي.

تر دې وړاندې هم ورته پېښو کې ګڼو مزدورانو خپل ژوند له لاسه ورکړی دی. مزدوران وايي، د کانونو مالکان د هغوی حفاظت ته پاملرنه نه کوي، خو مالکان بیا وايي، دا ډول پېښې د مزدورانو د غفلت له وجې رامنځ ته کېږي.

نور پورته کړئ

ځانګړې پاڼې

له موږ سره اړیکي

XS
SM
MD
LG