نن د خېبر پښتونخوا په ډېره اسماعيل خان کې موټرسايکل سپرو وسله والو پنځه پوليس وژل شوي دي.
د ډېره اسماعيل خان پوليسو يو چارواکي د نوم نه خپرولو په شرط نن مشال راډيو ته وويل چې په دې حمله کې دوه لارويان زخميان شوي دي او بريد کوونکي تښتيدلي دي. په وژل شوو کې يو ايس، ايچ، او هم شامل دی.
خو د ډېره اسماعيل خان هسپتال يو ډاکټر فريد الله مسود مشال راډيو ته وويل چې درې زخمي پوليس دوی ته وروړل شوي چې تر درملنې لاندې دي. تر اوسه کومې وسله والې ډلې د دې حملې ذمه واري نه ده منلې.
