د عراق وزیراعظم حیدر العبادي د اګست پر اوومه ویلي چې روانه اوونۍ پر ایران د امریکايي بندېزونو له بیا بحالیدو سره اتفاق نه کوي خو د هېواد د ګتو د خوندیتوب لپاره به ورباندې عمل کوي.
په بغداد کې د یوې خبري غونډې پر مهال عبادي وویل چې د اصولو له پلوه دوی په سیمه کې د بندېزونو خلاف دي ځکه چې پابندیانې او محدودیتونه حکومتونه نه بلکې ټولنې کمزورې کوي.
نوموړي دا بندېزونه یوه سټراټيژيکي غلطي وبلله خو وې ویل چې د خپل ولس د ګټو لپاره به یې بیا هم درناوې کوي.
د امریکا ولسمشر ډونلډ ټرمپ ژمنه کړې چې له تهران سره سوداګري کوونکي کمپنیانې به امریکايي منډیانو ته د رسايي اجازت و نه لري.
عراق له ایرانه د تیلو د مصنوعاتو علاوه د نورو شیانو اخیستونکی دویم لوی هېواد دی چې تېر کال یې ترې د شپږ بلینو ډالرو برابر سامان درامد کړی و.
