د کډوالو نړیوال سازمان ( ای او ایم) وايي، د روان کال د جنورۍ میاشتې له لومړۍ نیټې تر اوسه افغانستان ته د ستنو شویو کډوالو شمیر څه باندې درې نیمو لاکو ته رسیدلی دی.
دې ادارې سېشنبې په ورځ په یوې خبرپاڼه کې ویلي، په دې کډوالو کې زیات شمیر د هغو دي چې له ایرانه ایستل شوي دي.
د کډوالو نړیوال سازمان په تیرو شپږو میاشتو کې له پاکستانه افغانستان ته د ستنو شویو کډوالو شمیر ۱۷زره یاد کړی دی چې د IOM د راپور په بنسټ ټول بې اسنادو کډوال وو.
اټکل کېږي چې دا مهال تر دوو میلیونو زیات افغانان په پاکستان کې ژوند کوي.
پاکستان تیره اونۍ په دې هېواد کې د درې نورو میاشتو لپاره د افغان کډوالو اوسیدل وغځول.
په ایران کې هم تر یو نیم میلیون زیات افغان کډوال ژوند کوي.