د لاسرسي ځای

تازه خبر

ازربایجان کې یو مشر چارواکی په یوه برید کې ټپي شوی


د ازربایجان نقشه.

د ازربایجان چارواکي وايي، د هېواد د دویم لوی ښار ګاجکه کې انتظامي مشر المار والییف او د هغه ساتونکي په یو برید کې زخمیان شوي دي.

المار والییف او ساتونکي یې د سېشنبې په ورځ د هغه د دفتر مخې ته په ډزو زخمیان شوي او روغتون ته وړل شوي دي.

چارواکي وايي، د دواړو حالت د اطمینان وړ دی.

د پېښې په تړوا یو مشکوکه تن نیول شوی چې پری د قصدا وژنې او غیر قانوني وسلو اخیستو جرم پرې لګیدلې دی.

د ازربایجان حکومتي څارنوال او د کورنیو چارو وزارت چارواکي وايي، د پېښې پلټنو لپاره یې یوه شریکه ډله جوړه کړې ده.

تر اوسه د برید د هدف په اړه څه مالومات مخې ته نه دې راغلي.

ځانګړې پاڼې

د مشال ځانګړې پاڼې

له موږ سره اړیکي

XS
SM
MD
LG