ایرانۍ رسنۍ وايي د دې هېواد په جنوب غربي سېمه کې د څښلو اوبو د کمښت پر ضد په سلګونو خلکو مظاهرې کړي چې پکې یې له پولیس سره هم نښتې شوي دي.
د ایران سرکاري خبري ایجنسي اېرنا ویلي دي چې دغه مظاهرې د خالي پر ورځ (د جون ۳۰مه) له تهرانه ۶۵۰ کلومیټره لرې خرم شهر کې شوي چې پکې د ایراني چارواکو پر ضد نعرې ووهل شوې.
د اېرنا د خبر تر مخه وروسته پولیسو په مظاهرینو اوښکې بهوونکی ګیس استعمال کړ او مظاهرینو بیا پولیس واله په کاڼو وویشتل، دا راز د شپې پر مهال هم په سېمه کې ناارامي وه.
د خرم شهر د دغو مظاهرو څو ورځې وړاندې په تهران کې د جون پر ۲۴مه د هېواد د خرابو اقتصادي حالاتو پر ضد هم مظاهرې شوي دي.
