د افغانستان د کونړ په چپې درې ولسوالۍ کې د چارشنبې په ورځ بېپیلوټه الوتکې په برید کې د داعش شپږ وسلهوال وژل شوي دي.
د کونړ د امنیه قوماندانۍ ویاند فریدالله دهقان د پنجشنبې په ورځ مشال راډیو ته وویل د چارشنبې په ورځ د نړیوالو ځواکونو بېپیلوټه الوتکې د چپې درې ولسوالۍ په بدګاه سیمه کې برید کړی چې په کې شپږ داعش یا د اسلامي دولت نومې ډلې جنګیالي وژل شوي.
دهقان وایي په وژل شویو کې د داعش دوه قوماندانان هم شامل دي.
تر اوسه داعش ډلې په دې اړه څه نه دي ویلي.