د ملګرو ملتونو مرستندویه ماموریت (یوناما) وايي، په افغانستان کې د دې ادارې په هڅو د خلکو ترمنځ د بحثونو یوه لړۍ پيل شوې چې هدف یې په وګړیو د جنګ د اغېزو څېړنه ده.
یوناما د یکشنبې ورځ ناوخته په یو بیان کې په نورستان او ننګرهار کې د بحث د ګډونوالو په حواله ویلي چې حکومت او وسله وال دې ټول نړیوال بشري حقونه عملي کړي ځکه چې دا جګړه هره ورځ ژوند ته ګواښونه پېښوي او په خلکو ناوړه اقتصادي او ټولنیز اغېز کوي.
