د لاسرسي ځای

سپینه ماڼۍ: ټرمپ او پوټین یو نه دوه ملاقاته کړي وو


ولسمشر ډونلډ ټرمپ او ولسمشر ولادمیر پوټین

سپینې ماڼۍ د دې خبرې پخلی کړی دی چې امریکايي ولسمشر ډونلډ ټرمپ له خپل روسي سیال ولادمیر پوټین سره په جرمني کې دوه ځله لیده کاته کړي وو. د ډونلډ ټرمپ او ولادمیر پوټین دويم ملاقات تر دې وړاندې نه وو په ډاګه شوی.

سپینې ماڼۍ د سېشنبې په ورځ وویل ، دې مشرانو د جولايي پر اوومه نېټه تر دوه ساعته زیاته دوه اړخیزه ناسته کړې وه او بیا یې نړیوالو مشرانو ته د برابرې شوې ماښام پر ډوډۍ هم لنډې خبرې اترې کړې وې.

دا خبره لومړی د سیاسي خطرونو په اړه د یورو اسیا په نامه یو مشورتي ډلې مشر اېن بریمر په ډاګه کړې ده. هغه ویلي ، ولسمشر ډونلډ ټرمپ د ډوډۍ په نیمايي کې له خپلې چوکۍ پورته شو او له ولسمشر پوټین سره یې په یوازېتوب کې شاوخوا یو ساعت خبرې وکړې.

اېن بریمر ویلي ، په دې خبرو اترو کې له ولسمشر ټرمپ او ولسمشر پوټین سره یوازې د ولسمشر پوټین ترجمان ناست وو.

سپینې ماڼۍ ویلي ، امریکا ترجمان ځکه په دې خبرو کې نه وو چې هغه په روسي ژبه نه پوهېدی.

XS
SM
MD
LG