هند ویلي تر هغو چې په افغانستان کې موجود ملي بسونه و نه رغول شي، هغه زر بسونه به دغه هیواد ته ور نه کړي چې مخکې یې د سپارلو ژمنه کړې وه.
د افغانستان ترانسپورټ وزیر محمد الله بتاش نن سېشنبه د ترانسپورټ ملي ورځې په مناسبت غونډه کې وویل، دا مهال د ۲۰۰ ملي بسونو رغولو کار جریان لري چې ډیر ژر به بشپړ شي.
نوموړی وایي په ټوله کې ۶۰۰ ملي بسونه په افغانستان کې ترمیم ته اړتیا لري.
هند له افغانستان سره د بسونو په برخه کې تر دې مخکې مرستي کړي دي.
