د کراچۍ پولیسو ترهګرۍ مخنیوي څانګې د القاعدې او لشکر جنګوي ډلو درو قومندانانو نیولو دعوه کړې.
د دې څانګې مشر علي رضا تېر ماښام خبریالانو ته وویل، د القاعدې دوه قومندانان محمد ارشاد او قاري محسن، او د لشکر جنګوي ډلې قاري محمد اکرم نومېږي.
علي رضا زیاته کړه چې نیول شویو کسانو د ښار پر شاهراه فیصل پر یوې مهمې ودانۍ د حملې پلان جوړ کړی وو. هلته د رېنجر ځواک چارواکي وايي، دوی هم د پنجشبنې پر ورځ د ښار په بېلا بېلو برخو کې د عملیاتو پر مهال له ۱۰ زیات مشکوک وسله وال نیولي دي.
وسله والو ډلو د پولیسو او رېنجر ځواک دعوو په اړه څه نه دي ویلي.
