د پاکستان وزیراعظم نواز شریف د هغه هېواد کرکت لوبډلې ته په سريلنکا کې له هند سره د سیالیو کولو اجازه ورکړې ده.
تېر ماښام د وزیراعظم له دفتره په خپور شوي بیان کې راغلي، پاکستان کرکت بورډ نواز شریف ته له هند سره د کرکټ لوبو په اړه یو لیک استولی وو چې په ځواب کې یې نوموړي ورته د سیالیو کولو اجازه ورکړه.
څه موده مخکې هند د امنیتي اندېښنو له کبله په پاکستان کې له لوبو کولو انکار کړی وو چې وروسته پاکستان هم له هند سره له سیالۍ کولو انکاري شوی وو.