د میدان وردګو چارواکي وايي، وسله والو د عامه نظم هغه څلور سرتېري وژلي دي چې دوه ورځې وړاندې یې له سید اباد ولسوالۍ له ځانه سره بیولي ول.
د والي ویاند عطا الله خوګیاڼي نن (پنجشنبه) مشال راډیو ته وویل، وسله والو طالبانو پینځه سرتېري نیولي ول چې پکې یو ترې وتښتېد او د څلورو مړي تېره شپه وموندل شول.
خوګیاڼي وویل، د دې سرتېرو د خوشې کولو په موخه دوی په عملیاتو کې ۱۲ مشکوک کسان سره د وسلو نیولي دي.
