د ملایشيا ايرلاينز د یو مسافر وړونکې جاز د دوه سوه نهه دیرش سورلیو د موندلو لپاره لټون شروع دی.
دا جاز له کوالالامپور څخه د پیکنګ لور ته روانه وه چې ورکه شوه.د وییتنام سرکاري رسنۍ د دې هیواد د سمندري ځواکونو د یوه چارواکي له خولې وايي چې جاز د ویتنام په سواحلو کې غورځيدلي.
چین ویلي د دې ورکې شوې الوتکې د سورلیو د موندلو لپاره یې دوه بیړۍ د جنوبي چین سمندرګي ته استولي دي. ویل کیږي په دې الوتکه کې تر سلو ډیر مسافر چینایان و.
