د پاکستان حکومت او د تحريک طالبان پاکستان لخوا د ټاکل شويو استازو ترمينځ ملاقات نن د زیارت/پنجشنبې پر ورځ متوقع دي. دا خبره تيره ورځ په اسلام اباد کې د حکومتي پلاوي رابطه کار عرفان صديقي کړي.
د پاکستان سرکاري راډيو د عرفان صديقي په حواله وايي، چې حکومت زر تر زره مذاکرات شورو کول غواړي. بلخوا د طالبانو د مذاکراتي ډلې مشر مولانا سميع الحق هم د چارشنبې پر ورځ په اسلام اباد کې يوې غونډې ته په څرګندونو کې ويلي ول چې په ملک کې د امن راوستو لپاره د مذاکراتي عمل بریالیتوب ضروری دی.
