د پښتو ژبې مخور شاعر او لیکوال محمد صدیق پسرلي مړی نن د چارشنبې پر ورځ په کابل کې خاورو ته وسپارل شو.
د استاد پسرلي جنازه د کابل عیدګاه لوی جومات کې وشوه.
د ارواښاد پسرلي جنازې ته د هېواد له بېلابېلو برخو د ادب ګڼ مینه وال او چارواکي ورغلي وو.
د استاد پسرلي مړی د کابل شهداء صالحین هدیره کې خاورو ته وسپارل شو.
خاورو ته د استاد پسرلي د سپارلو په مراسمو کې د افغانستان د اطلاعاتو او کلتور مرستیال وزیر غلام نبي فراهي ژمنه وکړه، چې د استاد پسرلي ناچاپ ادبي ټوټې به چاپ کړي.
