امريکايې قومندان وايې باوري کيږي، په افغانستان کې پر بهرنيو ځواکونو د دې هيواد د امنيتي عسکرو لخوا په نږدې هر يوه څلورم بريد کې د طالبانو لاس وي.
د چارشنبې په ورځ ناوخته په خبري غونډه کې د نيټو په مشري د مشترکه قومندې مشر امريکايې ليفټننټ جنرل جيمز ټيري خبريالانو ته وويل، په پنځويشت ، شپږويشت فيصده بريدونه له ياغيانو سره تړاو لري.
د نوموړي په وينا لس فیصده بريدونه نيغ په نيغه له باغيانو سره او پنځلس فيصد بيا د باغيانو سره تړل شوو کسانو سره تعلق لري. تر دې وړاندي نيټو ویلې ول، ذهني فشار او د نيټو او افغان عسکر په مينځ کې کمزوری تعلق کیدلای شي د بريدونو لاملونه وي .
افغان عسکر سږ کال په خپلو نيټو ملګرو دیرش ځله ډزي کړې چې پکې پنځه څلويښت عسکر وژل شوي دي. په دې کې زياتره امريکايې عسکر دي.