د پاکستان د خیبر پښتونخوا په پېښور کې د دې هیواد د پیپلز ګوند شېر پاو ډلې د مشر او د کورنیو چارو پخواني وزیر افتاب احمد خان شېر پاو پر قافلې د برید پړه د قبایلي سیمې مومندو طالبانو منلې ده.
د دې وسله والو طالبانو یوه ویاند د مشال راډیو خبریال ته ټیلي فون کړی دی او د نوم نه ښودو په شرط یې ورته ویلي، د افتاب شېر پاو پر قافلې د برید پړه د دوی ډله (د طالبانو د عمر خالد ډله) مني.
د پېښور له لیډی ریډنګ روغتونه د مشال راډیو خبریال وايي، په دې برید کې یو پولیس وژل شوی، او شپږ کسان ژوبل دي.
د مشال راډیو خبریال زیاتوي، په ژوبلو کې د صوبايي اسمبلۍ غړی محمد علي هم شامل دی.
د افتاب شېر پاو ډرېور مشال راډیو ته وویل، افتاب احمد خان شېر پاو له دې حملې روغ وتلی دی.
د ډرېور په خبره، دوی د شبقدر په باچا ګړۍ کې جلسه کوله او دوی چې تر جلسې وروسته بیرته روان ول نو د ده په خبره، ځانمرګی برید وشو.
ده د شېر پاو په اړه وویل: ((شکر دی، الحمد الله هغوی ښه دي))
ډرېور زیاتوي: ((خدای خیر کړی دی، الله فضل وکړ.))
له سیمې د مشال راډیو خبریال وايي، پېښه چارسدې ته پر تلونکي سړک شوې ده.
دی وايي، افتاب شېر پاو او د ده زوی سکندر شېر پاو له شبقدره د چار سدې پر لور روان وو، چې ورباندې برید شوی دی.
د خبریال له وینا سره سم، د افتاب احمد خان شېر پاو، زوی سکندر شېر پاو هم له دې حملې روغ وتلی دی.
په دې قافلې کې د پیپلز ګوند شېر پاو ډلې مشران هم ول.
تر پېښې وروسته د ډزو اطلاعات هم راغلي او په سمدستي ډول د وژل شویو یا ژوبلو په اړه دقيق مالومات نشته.
په دې اړه د نورو مالوماتو لپاره له مشال راډیو سره اوسئ.
د دې وسله والو طالبانو یوه ویاند د مشال راډیو خبریال ته ټیلي فون کړی دی او د نوم نه ښودو په شرط یې ورته ویلي، د افتاب شېر پاو پر قافلې د برید پړه د دوی ډله (د طالبانو د عمر خالد ډله) مني.
د پېښور له لیډی ریډنګ روغتونه د مشال راډیو خبریال وايي، په دې برید کې یو پولیس وژل شوی، او شپږ کسان ژوبل دي.
د مشال راډیو خبریال زیاتوي، په ژوبلو کې د صوبايي اسمبلۍ غړی محمد علي هم شامل دی.
د افتاب شېر پاو ډرېور مشال راډیو ته وویل، افتاب احمد خان شېر پاو له دې حملې روغ وتلی دی.
د ډرېور په خبره، دوی د شبقدر په باچا ګړۍ کې جلسه کوله او دوی چې تر جلسې وروسته بیرته روان ول نو د ده په خبره، ځانمرګی برید وشو.
ده د شېر پاو په اړه وویل: ((شکر دی، الحمد الله هغوی ښه دي))
ډرېور زیاتوي: ((خدای خیر کړی دی، الله فضل وکړ.))
له سیمې د مشال راډیو خبریال وايي، پېښه چارسدې ته پر تلونکي سړک شوې ده.
دی وايي، افتاب شېر پاو او د ده زوی سکندر شېر پاو له شبقدره د چار سدې پر لور روان وو، چې ورباندې برید شوی دی.
د خبریال له وینا سره سم، د افتاب احمد خان شېر پاو، زوی سکندر شېر پاو هم له دې حملې روغ وتلی دی.
په دې قافلې کې د پیپلز ګوند شېر پاو ډلې مشران هم ول.
تر پېښې وروسته د ډزو اطلاعات هم راغلي او په سمدستي ډول د وژل شویو یا ژوبلو په اړه دقيق مالومات نشته.
په دې اړه د نورو مالوماتو لپاره له مشال راډیو سره اوسئ.
