په اسماعیل خان ډېرې کې ښوونځی الوزول شوی

د خېبر پښتونخوا په ډېره اسماعیل خان کې نا څرګندو وسله والو د جينکو یو سکول په چاودنکو توکو سره الوزولی دی.

د پيښې په اړه د الوځول شوي سکول څوکيدار مشال رېډيو ته ووايل چې وسله والو دی له شپې تړلی او د سکول په کوټه کې یې چاودنه کړېده.

چا تر اوسه د دې پېښې پړه پر غاړه نه ده اخیستې خو تر دې وړاندې هم په خېبر پښتونخوا کې ناڅرګنده وسله والو په سلګونو سکولونه په چاونکو توکو سره الوځولي دي.