د لاسرسي ځای

تازه خبر

د چترال پر پېښه د پاکستان احتجاج


پاکستان د هغې پېښې پر سر افغانستان ته احتجاج کړی دی چې له دې هیواد څخه اورپکو د پاکستان شاوخوا پنځویشت امنیتي عسکر ووژل.

د پاکستان د بهرنیو چارو دفتر ویلي چې د خیبر پښتونخوا د چترال په سیمه کې د شنبې په ورځ رامنځ ته شوې دې پېښې پر سر یې په اسلام اباد کې د افغانستان سفارتي چارواکو ته رسمي احتجاج کړی دی.

رپوټونه وايي چې په سلګونه اورپکي د شنبې په سهار وختي له افغانستانه اوښتي او د پاکستان د چترال په سیمه کې یې پر یوه امینتي پوسته برید کړی چې د پاکستانیو چارواکو په وینا پنځویشت عسکر په کې وژل شوي دي.

خو رپوټونه د ځینې نورو چارواکو له خولې لیکي چې په دې پېښه کې د وژل شوو پاکستانیو عسکرو شمېر لږ تر لږه پنځه دېرش وو.

بل پلو پاکستاني ځواکونه وايي چې د دې پېښې په ترڅ کې یې د جګړې پر مهال دولس اورپکي وژلي دي.

د مشال ځانګړې پاڼې

XS
SM
MD
LG