په داسې حال کې چې په خیبر پښتونخوا کې ترهه ګر بریدونه ډیر شوي، په سوات کې قامي جرګې او په بنو کې د دوکاندارانو اتحادیې د یو احتجاجي لاریون له لارې په سیمه کې د امنیت پر ځاي کولو غوښتنه کړی ده. دا بریدونه وروستو له هغې ډیر شوي چې تحریک طالبان پاکستان د حکومتي جرګې سره کړی اوربند پاي ته رسولی دی او خپلو وسله والو ته یې د بریدونو ترسره کولو ویلي. نن د کرښې په غاړه کې سیمه کې د امنیت په تازه صورتحال بحث کوو.