د پاکستان وزیراعظم عمران خان د فبرورۍ پر ۲۳مه پر داسې مهال د روسیې په سفر دی چې مسکو د اوکراین په ختیځ کې د دنېڅک او لوهانسک په نوم د سیمو خپلواکي په رسمیت پېژندلې او هلته یې د ځواکونو استولو اعلان کړی دی. د شوروي اتحاد تر ماتېدو وروسته په خاصه توګه په تېره يوه لسيزه کې د اسلام اباد او مسکو ترمینځ تعلقات خورا ښه شوي دي. خو د عمران خان د دوه ورځني سفر پرمهال په هغه سیمه کې ترینګلتیا خورا زیاته شوې ده چې پکې روسیه او امریکا او د لویدیځ ملګري یې یو بل ته مخامخ شوي دي. پاکستان د سړې جګړې پرمهال او اوس هم له امريکا سره ښې اړيکې لري. اخوا پر افغانستان د ۲۰۲۱ز کال په اګست کې طالبان واکمن شول چې د روسیې په ګډون هېڅ یوه هېواد لا په رسمیت نه دی پېژندلی. نو په داسې حال کې د اوکراین پر سر د روسيې او مقابل لوري امريکا او غربي هېوادونو ترمینځ ترینګلتیا پر پاکستان او د طالبانو تر کنټرول لاندې افغانستان باندې څه اغېز کولای شي او که څنګه؟ دا او نورې پوښتنې د مشال تر رڼا لاندې کې څېړل شوې دي.
د مشال تر رڼا لاندې
وبښئ، دلته ۲۸ فبروري هېڅ و نه موندل شول. تر دې پخواني مطالب وګورئ.
چار شنبه ۲۳ فبروري ۲۰۲۲
په کراچۍ کې د ترهګرۍ ضد عدالت د فبرورۍ پر ۱۵مه د پښتون ژغورنې غورځنګ د يو مخکښ او په قامي اسمبلۍ کې د جنوبي وزیرستان استازي علي وزير د ضمانت درخواست رد کړ. پر نوموړي د رياست او ریاستي ادارو پرضد له کرکې ډکې ويناګانو تور دی چې هغه یې ردوي. د علي وزیر پرضد جوړې مقدمې د پاکستان د مهمو سیاسي مسلو په توګه یادېږي او د بشري حقونو سازمانونو په بیا بیا پر حکومت غږ کړی چې هغه خوشې کړي. پښتون ژغورنې غورځنګ هم د فبرورۍ له ۱۳مې راهیسې په کراچۍ کې د علي وزیر د خوشې کېدو د غوښتنې لپاره د سيند اسمبلۍ مخې ته پرلت وهلی دی چې لا هم دوام لري. پوښتنه دا ده چې د علي وزیر پرضد مقدمه سياسي که قانوني انګېزه لري؟ دا او نورې پوښتنې د مشال تر رڼا لاندې بحث شوې دي چې تاسې یې د غږ په ځای کې اورېدای شئ.
