په قبایلي ضلعو کې ځینې سیاسي او ولسي مشران وایي چې د دوی سیمې د یو ایني بدلون له لاری د خیبر پښتونخوا برخې ګرځېدلي دي، خو هلته اوس هم د پاکستان په قوانین عمل نه کېږي او د پرمختیا چارې په ټپه ولاړې دي. بلخوا حکومت دغلته د بشري حقونو څخه د سرغړونو راپورونه ردوي او وايي د اصلاحاتو عملي کولو لړۍ دوام لري. پرې په دې خپرونه کې بحث کوو ــ کوربه شاهین بونېری دی
د مشال تر رڼا لاندې
چار شنبه ۹ سپټمبر ۲۰۲۰
په پاکستان کې د سېپټمبر تر دويېمې پورې تر دوه لاکه ۹۶ زره زيات کسان په کورونا وايرس اخته شوي دي. د وايرس په اړه د دې هېواد د روغتيا څانګې ویبپاڼه وايي چې په تېرو ۲۴ ساعتونو کې ۴۴۱ نور کسان له وايرسه ناروغه شوي دي.که وکتل شي نو د شمېرو په حساب په دې هېواد کې د ناروغانو شمېر مخ په کمېدو دی. سږکال مۍ او جون مياشت کې به اوسطا هره ورځ تر پنځه زره زيات کسان په وايرس اخته کېدل. پوښتنه دا ده چې په رښتيا هم په دې هېواد کې د کورونا وبا په کمېدو ده؟ دا او نورې پوښتنې له کارپوهانو سره د مشال تر رڼا لاندې بحث څېړل شوې دي.
