نیاز علي په کراچۍ کې د مشال راډیو خبریال دی او هلته پر سیاسي، امنیتي او اقتصادي چارو رپورټونه جوړوي.
د ورکو بلوڅانو د کورنیو غړو، لسګونه فعالانو، د بشري حقونو کمېشن استازو او د یوشمېر ګوندونو غړو او پلویانو د کوچني اختر پر لومړۍ ورځ په کراچۍ ښار کې احتجاجي لاریون او مظاهره کړې ده. ویډیويي رپورټ وګورئ.
شاه محمد له تېرو ۳۰ کلونو راهیسې د کراچۍ په سهراب ګوټ سیمه کې درزي (خیاط) دی او یوازې افغان دودیزې جامې ګنډي او په ځانګړي ډول کندهارۍ غاړې جوړوي. دی وايي، له پاکستانه د افغان کډوالو په ایستلو یې کاروبار خراب شوی دی او ګرانۍ یې مالي مشکلات لا زیات کړي دي. ویډیويي رپورټ.
د کراچۍ د اورګاډو په تمځای کېنټ سټیشن کې د هیندوانو ټولنه او د لاهور په لیبرټي مارکیټ کې یو سیک وګړی د روژې په میاشت کې مسلمانانو ته روژه ماتې برابروي. د روژه ماتې تابیان کونکي وایي هره ورځ له ۵۰۰ تر ۶۰۰ روژه دارو کارګرانو ته خوراک څښاک ورکوي.
وکیله او د کډوالو د مرستې د کمېټۍ مخکښه غړې منیزه کاکړه وايي چې د اپرېل له نیمايي څخه د اسناد لرونکو افغانانو د ایستلو پرېکړه غیر قانوني ده.
د پاکستان د سيند او پنجاب صوبايې حکومتونو تر راتلونکي وړوکي اختر وروسته يو ځل بيا د افغان کډوالو د ايستلو پلان جوړ کړی او په دې لړ کې یې پوليسو او نورو چارواکو ته لارښوونې هم کړي دي. د کراچۍ په افغان کيمپ کې کډوال وايي، پولیسو یې په وروستیو کې د پیسو لپاره ځورول بيا پيل کړي دي. ویډیويي رپورټ.
ټاکل شوې وه چې د اپرېل پر دویمه د خيبر پښتونخوا د اسمبلۍ غړو هم د سېنېټ په انتخاباتو کې برخه اخیستې وای خو کمېشن د ځانګړو څوکيو پر سر د جنجال له امله کمېشن هلته ټاکنې وځنډولې او د سېنېټ له پاتې ۳۰ څخه پر ۱۹ څوکیو انتخابات وشول.
د پېښور په حیات اباد کې د تاترې تاڼې د پولیسو یوه افسر د خپل نوم نه خپرولو په شرط مشال راډیو ته وویل چې پيښور او شاوخوا سیمو کې یې د افغان سیټیزن کارډ لرونکو کډوالو د استوګن ځایونو نقشې جوړول او د دوی تفصیلات راغونډول پیل کړي دي.
د پاکستان تر ټولو لوی ښار کراچۍ کې تر دوه کروړه زیات خلک ژوند کوي خو د ښار زیاتره برخو او په تېره بیا پښتون مېشتو سیمو کې خلکو ته د څښاک اوبه نه رسېږي او دوی یا خو په ګرانه بیه اوبه اخلي او یا یې د سمندر تروې اوبه کاروي.
په کراچۍ کې د نرښځيانو ټولنې د خوندیتوب لپاره احتجاج کړی دی. د مارچ ۲۲مې په مظاهره کې نرښځیانو د اساسي بشري حقونو غوښتنه کوله. مظاهره چیانو ویل چې دوی قانوني تحفظ نه لري چې له وجې یې د کراچۍ په ګډون په ټول پاکستان کې پر نرځیانو بریدونه او تشدد کېږي خو په هغو پېښو کې ککړ خلک نه نیول کېږي.
په پاکستان کې د روژې د راتګ سره د نورو خوراکي توکو ترڅنګ د پیازو نرخ زیات شوی دی. پیاز په بېلا بېلو ښارونو کې یوه کیلو تر ۳۰۰ روپو خرڅېږي.
د روژې له راتګ سره سم په کراچۍ کې د خرما (کجورې) کاروبار او نرخ لوړ شوی دی. په کراچۍ کې د پاکستان د خرما تر ټولو لویه منډيي ده چې له هغه ځایه د هېواد نورو برخو ته لېږدول کېږي. ویډیويي رپورټ.
د پاکستان د سېنېټ هغه څوکۍ د ایین د ۲۲۳مې مادې یا دفعې له مخې خالي شوې دي ځکه چې اساسي قانون یو کس ته په یو وخت کې یوازې د قامي یا صوبايي اسمبلۍ او یا هم د سېنېټ د غړیتوب اجازه ورکوي.
له کراچۍ سره نېږدې په عرب سمندرګي کې د کښتۍ له ډوبېدو شاوخوا یوه اوونۍ تېره شوه خو لا هم د ورکو کسانو پته نه ده لګېدلې. هغه کښتۍ د مارچ څلورمې او پینځمې ترمینځ شپې مهال ډوبه شوې وه چې ورڅخه ۳۱ کسان په ژوبل حالت کې وژغورل شول او ۱۴ لا هم ورک دي.
دښځو د نړيوالې ورځې په مناسبت د مارچ په اتمه په اسلام اباد، لاهور، کراچۍ او نورو ښارونو کې د مېرمنو د حقونو لپاره کارکوونکیو سازمانونو لاريونونه او غونډې کړې دي. په دې لاريونونو کي په زیات شمېر کې ښځو ګډون کړی او له حکومته یې یو وار بیا غوښتنه کړې ده چې د مېرم
د پښتونخوا ملي عوامي ګوند غړو او پلویانو د خپل مشر او د ولسمشرۍ څوکۍ نوماند محمود خان اڅکزي پر کور او ځمکه د چاپو پرضد د پاکستان په بېلابېلو برخو کې مظاهرې کړې دي. بل خوا د بلوچستان وکیلانو د احتجاج په توګه د مارچ پر څلورمه د کوټې په ګډون د هغې صوبې په نورو برخو کې عدالتونو ته حاضر نه شول.
د بلوچستان د وکیلانو ټولنې په غوښتنه وکیلان هم احتجاجاً د مارچ پر څلورمه د کوټې په ګډون د صوبې په نورو برخو کې عدالتونو ته حاضر نه شول او له کاروایۍ یې پرېکون (بایکاټ) وکړ. د پیپلز ګوند مشر بلاول بوټو زرداري او د بلوچستان نیشنل پارټۍ (مېنګل) مشر سردار اختر جان مېنګل چاپې غندلې دي.
په پاکستان او ځینو نورو هېوادونو کې اوسېدونکي بلوڅان د مارچ پر دویمه د خپل کلتور ورځ لمانځي. خو سږ کال د ورکو بلوڅانو خپلوانو او مدني فعالانو پر هغه ورځ په کراچۍ کې احتجاج وکړ. ویډیويي رپورټ.
بل پلو د پيپلز ګوند مراد علي شاه د سیند صوبې نوی اعلا وزیر ټاکل شوی دی. د فرورۍ په ٢٦مه نيټه په سیند اسمبلۍ کې د اعلا وزیر ټاکلو لپاره ټولې ۱۴۸ رایې واچول شوې.
د فبرورۍ پر ۲۵مه د اسمبلۍ ۱۴۷ غړو خپلې رایې وکارولې چې ورڅخه یې ۱۱۱ د پیپلز ګوند له لوري د سپیکر دندې ته د نومول شوي سید اویس قادر شاه او ۳۶ یې د متحده قامي موومېنټ پاکستان (اېم کیو اېم پي) د نوماندې صوفیې سعید شاه په حق کې رایې وکارولې.
د تحریک انصاف، جماعت اسلامي او لوی جمهوري اتحاد (ګرینډ ډېموکریټېک الاینس یا جي ډي اې) غړو او پلویانو د فبرورۍ اتمې په انتخاباتو کې د درغلۍ پرضد د کراچۍ د خبریالانو مرکز مخې ته مظاهره کړې ده. انتخاباتي کمېشن په ټاکنو کې د درغلۍ تور ردوي او وايي ټول بهیر بشپړ شفاف وو. ویډیويي رپورټ.
نور وښیئ