پراګ - د پاکستان ولسمشر عارف علوي د دریم پارلیماني کال پیلیدو پر مهال د حکومت د کارکردګۍ ستاینه کړې.
ولسمشر عارف علوي د اګست پر ۲۰مه د دریم پارلیماني کال پیلیدو په ترڅ کې پارلیمان ته په وینا کې د موجوده حکومت د کارکردګۍ ستاینې کولو سره وویل چې حکومت په تیر پارلیماني کال کې د ترهګرۍ او کورونا وبا قابو کولو سره سره ګڼې اقتصادي ستونزې هم هوارې کړې دي.
خو د سیاسي چارو ځینې پوهان وايي د حکومت په تیر پارلیماني کال کې له اپوزیشن سره اختلافات زیات شوي او په سمه قانون سازی کولو کې هم ناکامه شوی دی. دوی وايي، حکومت د پرمختیا په برخه کې هم خپلې ژمنې نه دې پوره کړي.
دا هم وګورئ: عارف علوي: د حکومتي اقدماتو له وجې اقتصاد په ښه کېدو دیخبریال او شنونکي شمیم شاهد د اګست پر ۲۲مه مشال ریډیو ته وویل چې
دویم پارلیماني کال له احتجاجونو ډک وو او د حکومت او اپوزیشن ترمنځ اختلافات نور هم زیات شوي دي.
د پاکستان سرکاري خبري اژانس اې پي پي د پیلډاټ ادارې په حواله په یو راپور کې لیکلي چې د تحریک انصاف په مشری د موجوده حکومت د لومړي پارلیماني کال پرتله د دویم پارلیماني کال پر مهال قانون سازي ۲۰۰ في صدو ته زیاته شوې ده.
د اژانس په خبره، قامي اسمبلۍ په لومړي پارلیماني کال کې لس قانوني مسودې او په دویم هغې کې بیا دیرش قوانین منظور کړي دي.
دا هم وګورئ: سعودي عرب او ترکي له پاکستانه خفه دي: مولانا عطا الرحمانخو پیلډاټ ادارې دا هم ویلي دي چې د لومړي پارلیماني کال په نسبت په دویم هغې کې د قامي اسمبلۍ غونډې لږې کمې شوې وې چې یوه وجه یې کورونا وبا کیدای شي.
په پیښور کې د مشرق ټي وي ځايي مشر محمود جان بابر بیا د خیبرپښتونخوا او قبایلي ضلعو په حوالې سره وايي چې تحریک انصاف ګوند په واک کې تر راتللو وروسته د پارلیمان دننه او بهر د ولس د خیرښیګړې، پرمختیايي کارونو او خیبرپښتونخوا کې د بلدیاتي انتخاباتو کولو ویلي ول خو تراوسه یې خپلې ګڼې ژمنې نه دې پوره کړي.
په بلوچستان کې خبریال سید علي شاه وايي چې د بلوچستان ګڼې سیمې اوس هم د پرمختیا په برخه کې ډیرې وروسته پاتې دي او هلته ولس د بنیادي حقونو نه بې برخې دي.
دا هم وګورئ: بلاول بوټو: د سياسي دريځ بدلو لپاره دړکې راکول کېږيبلخوا د پاکستان تحریک انصاف ګوند د پارلمان غړی اقبال اپریدی وايي چې په تیر پارلیماني کال کې حکومت د اپوزیشن په سلا مشوره قانون سازي کړې ده او تر ډیره یې هغه عملي کړې هم ده.
بلخوا وزیراعظم عمران خان د دویم پارلیماني کال پوره کېدو په مناسبت یو پیغام کې ویلي چې حکومت یې د انصاف او برابرۍ په بنیاد په جوړې شوې ټولنې باور لري.