د تهران اوسېدونکې د تباهۍ تر سیوري لاندې د ژوند کیسه کوي
د مشال راډيو ایرانۍ څانګې "راډیو فردا" په تهران کې له یوې ښځې سره خبرې کړې دي. موږ د امنیتي وجوهاتو له وجې د هغې نوم پټ ساتلی او غږ مو یې بدل کړی دی. هغه وايي، پر تهران د امریکا او اسراییلو تر پرله پسې حملو وروسته اوس "ان خاموشي (چوپتیا) هم وېروونکې" ده. امریکا او اسراییلو پر ایران او تهران پر اسراییلو او په خلیجي هېوادونو کې پر امریکايي تاسیساتو حملو ته دوام ورکړی دی. موږ د تهران له اوسېدونکې سره د خبرو پر اساس ویډیويي رپورټ تیار کړی دی.